– ارمەنيا تارابى ءبىزدىڭ ارميادا جاڭا زىمىران جۇيەلەرى بار ەكەنىن ۇمىتپاۋى ءتيىس، ەگەر مەسامور اتوم ەلەكتر ستانسياسىن اتقىلاساق، ارمەنيا ءۇشىن ۇلكەن اپات بولادى، – دەپ مالىمدەدى ازەربايجان قورعانىس مينيسترلىگى باسپا ءسوز قىزمەتىنىڭ باسشىسى ۆاگيف دارگياحلى.
ارميان اتوم ەلەكتر ستانسياسى 1976 جىلى قولدانۋعا بەرىلگەن. بۇل ايماقتاعى ەڭ ءىرى ەلەكتر ەنەرگياسىن تاسىمالداۋشى ستانسيا بولىپ سانالادى. ءقازىر ستانسيادا جوندەۋ جۇمىستارى جۇرگىزىلىپ جاتىر.
12 شىلدەدەن بەرى ارمەنيا مەن ازەربايجان اراسىنداعى جانجال ءورشىپ كەتتى. باكۋ اقپاراتىنا سايكەس، 11 ازەربايجاندىق اسكەر قازا تاپقان. ونىڭ ىشىندە گەنەرال-مايور پولاد حاشيموۆ تا بار. ارمەنيا تارابى ءتورت سارباز قايتىس بولىپ، ونى جارالاندى دەپ مالىمدەدى. جانجال تاۋلى قاراباح ماڭىندا ءجۇرىپ جاتىر.
