بوكستان قازاقستان ەرلەر قۇراماسىنىڭ باس جاتتىقتىرۋشىسى مىرزاعالي ايتجانوۆ پەن وزگە دە ماماندار قىزمەتىنەن بوساتىلدى، - دەپ حابارلايدى Dalanews.kz.
بۇل تۋرالى قازاقستان بوكس فەدەراسياسى حابارلادى.
قازاقستان بوكس فەدەراسياسىنىڭ شەشىمى ق ر دەنە شىنىقتىرۋ جانە سپورت ىستەرى بويىنشا كوميتەتىمەن ماقۇلدانعان.
قازاقستان بوكسىندا كادرلىق وزگەرىستەر ورىن الدى. پاريج وليمپياداسىنىڭ قورىتىندىسى بويىنشا كەڭەس وتكىزىلىپ، ەرلەر قۇراماسىنىڭ باپكەرلىك قۇرامى تولىعىمەن جۇمىستان شەتتەتىلدى. وسىلايشا كەلەسى وزگەرىستەر جايىندا حابارلايمىز:
باس جاتتىقتىرۋشى مىرزاعالي ايتجانوۆ جانە باپكەرلىك قۇرامداعى 10 مامان، قبف ۆيسە-پرەزيدەنتى ازيز قوجامبەتوۆ قىزمەتتەن بوساتىلدى. قازاقستاننىڭ ەڭبەك سىڭىرگەن جاتتىقتىرۋشىسى تۇرسىنعالي ەدىلوۆ قازاقستان بوكس فەدەراسياسى پرەزيدەنتىنىڭ كەڭەسشىسى قىزمەتىنە تاعايىندالدى، - دەپ جازىلدى رەسمي حابارلامادا.
جاڭا باپكەرلىك قۇرام كەيىنىرەك تانىستىرىلادى.
