ەكس-پرەزيدەنت نۇرسۇلتان نازاربايەۆتىڭ جيەنى ايسۇلتان نازاربايەۆ ءتىرى بولۋى مۇمكىن. بۇل تۋرالى قوعام قايراتكەرى سەرىكجان مامبەتالين ايتتى، - دەپ حابارلايدى Dalanews.kz. 

"مەن، شىنى كەرەك، ول ءتىرى دەپ ۇمىتتەنەمىن. ول ءتىرى سەكىلدى. مۇنداي ازاماتتان ايىرىلىپ قالعانىمىز وكىنىشتى. سەبەبى ول - ءوز وتباسىنىڭ قۇربانى بولعان ادام. ودان بولەك، اتام دەپ جۇرگەن ادامنىڭ اكەسى بولۋى مۇمكىن دەگەن اقپاراتتى ەستىپ، سترەسكە ءتۇسىپ كەتكەن شىعار. پسيحيكاسىنا قاتتى اسەر ەتكەن. 

ءبىز ايسۇلتان قازا بولارىنان ەكى اي بۇرىن مەسسەندجەرمەن سويلەستىك. ونىڭ داۋسىن ەستىپ، ناشاقور دەپ ايتپاس ەدىم. ءوزىم دە دارىگەر بولعاندىقتان وندايدى اجىراتا الامىن. سويلەسىپ، "جازاتىن نارسەلەرىڭە اباي بولشى" دەپ كەڭەس بەردىم. 

قايعىلى جاعداي بولعاننان كەيىن گۋگلدان كورونەردىڭ (ءولىمدى ارنايى تەرگەيتىن ادام) ەسەبىن تاپپادىم. ول ءتىرى جانە ءقازىر مەنى تىڭداپ وتىر دەپ ۇمىتتەنەمىن"، - دەيدى مامبەتالين Elmedia-عا بەرگەن سۇحباتىندا.

ايتا كەتەيىك، 2020 جىلى 16 تامىزدا ايسۇلتان نازاربايەۆ قايتىس بولدى. الدىن الا تارتىلعان مالىمەت بويىنشا 30 جاستاعى ايسۇلتاننىڭ جۇرەگى توقتاپ قالعان.

ايسۇلتان نازاربايەۆ - نۇرسۇلتان نازاربايەۆتىڭ جيەندىرىنىڭ ءبىرى. ول 1990 جىلى 26 تامىزدا دۇنيەگە كەلگەن.