كوميك ساشا كوەننىڭ «بورات» ءفيلمى كورسەتىلە باستاعان كۇننەن بەرى ءوزىن قازاق سەزىنەتىن ءاربىر ازاماتتىڭ اشۋىن تۋعىزعانى بەلگىلى. بوراتتى تىگزىندەيتىن ادام بولماي تۇر. مەملەكەتتىڭ دە قولى بايلاۋلى.

بۇگىندە بارشا قازاق بوراتتى قالاي جازالۋدىڭ جولدارى بار ەكەنىن الەۋمەتتىك جەلىگە جارىسا جازۋدا. ديكيي ارمان باستاعان ءبىرقاتار ازاماتتار بوراتتى قولعا ءتۇسىرىپ، سازايىن بەرۋدى دە ويلاستىرۋدا. ءتىپتى، الماتى قالاسى جاستارى قارسىلىق تانىتىپ، اقش بيلىگىنە حات جازعانىن دا كوردىك. وسى رەتتە بەلگىلى ءانشى ايقىن تولەپبەرگەن اقش دەموكرتيالى ەل بولعاندىقتان كوميككە تۇكتە ىستەي المايتىنىن ايتتى. سونىمەن قاتار ول امەريكادا مىقتى ادۆوكاتتاردى جالداپ، سول ءفيلمدى تۇسرىگەن كينو كومپانيانى سوتقا بەرۋدى ۇسىندى.

– بورات بار قازاقتىڭ اشۋىن كەلتىردى. وعان مەملەكەت تاراپىنان قارسىلىق نوتا جولداپ، پەتيسيا ۇيىمداستىرۋدىڭ تۇك كەرەگى جوق. ويتكەنى امەريكا دەموكراتيالىق ەل. سوندىقتان ءبىز تەك جەكە كومپانيانى سوتقا بەرۋىمىز كەرەك. امەريكالىق ادۆوكات جالداپ، ءفيلمدى ءتۇسىرۋشى توپتى سوتقا بەرەيىك. بۇعان وسىلاي جاۋاپ بەرۋگە بولادى. سوندا جەڭۋىمىز مۇمكىن. ەگەر جەڭە الماساق، وندا قازاقستان تۋرالى ءبىرشاما ەل تانيدى. شىندىعىندا قانداي ەل دەپ زەرتتەي باستايدى. جۋرناليستەرىن جىبەرەدى. ءوز كوزدەرى جەتەدى، – دەدى ايقىن اقىلعا قونىمدى اڭگىمە ايتتى.

جالپى ايقىن دۇرىس ايتادى. بوراتپەن امەريكاعا بارىپ سوتتاسۋ كەرەك. وسى بيلىك بۇعاتتالعان اقشانى قايتارۋدا امەريكانىڭ مىقتى ادۆوكاتتارىن جالداپ، سوتتاسىپ جاتادى عوي. ەلىمىزدى، تۋىمىزدى قورلاعان بوراتتىڭ اۋسەلەسىن وسىلاي باسۋعا بولادى.