اينۇر تۇرسىنباەۆا مارقۇم ورازەلٸ دوسبوسىنوۆتىڭ قىتايدا تۇراتىن بالالارىنىڭ ٷيٸندە قوناقتا بولدى
اينۇر تۇرسىنباەۆا دەل قازٸر قىتاي ەلٸندە جٷر. ول اتالعان ەلدە تۇرىپ جاتقان ورازەلٸنٸڭ بالالارىنىڭ ٷيٸنە قوناققا بارعان. ارتىنشا بالالارعا ەكەلەرٸ تۋرالى ايتىپ, ەستەلٸكتەرٸن بٶلٸسكەن.
“قىتايعا ەڭ العاش ورازەلٸمەن كەلگەن بولاتىنمىن. 10 كٷن جٷرٸپ ايتىسىپ ەدٸك. كٷن سايىن ۇزاق جول, بٸتپەيتٸن ەڭگٸمە. “اقىندار ٶلسە تەك جٷرەكتەن ٶلەدٸ, سەبەبٸ بٸزدٸڭ جٷرەككە تٷسەتٸن سالماق اۋىر” دەدٸ بٸر كٷيزەلگەن كەزدە. “قىتايعا ايتىس ٷشٸن عانا ەمەس, ەكەمنٸڭ تۋىستارىن كٶرٸپ كەتەيٸن دەپ كەلدٸم” دەپ بٸر مۇڭايىپ قالدى. جارىقتىق قىتايدان كەلگەن سوڭ كٶپ ۇزاماي فەني دٷنيەدەن باقي دٷنيەگە اتتانىپ كەتە بەردٸ عوي.
تٸرٸسٸندە كٸمنٸڭ باعاسىنا جەتٸپ ەدٸك, ويلاپ وتىرسام 10 جىل قاتار ايتىسىپ جٷرگەندە كٶڭٸلگە تيەتٸن بٸر اۋىز سٶز ايتىپ كٶرمەگەن ەكەن. قازٸر قىتايدا جٷرٸپ وسىنىڭ بەرٸن ويلانامىن. ساعىنىش جٷرەكتٸ كەرنەپ-اق كەتەدٸ, ەتتەڭ. مىناۋ وتىرعان ورازدىڭ ۇلى مەن قىزى. قىزى نۇرايشادان قاتتى ٷمٸت كٷتەتٸن ەدٸ.
وسى قىتايدا جٷرگەندە بٸر جاعدايلار بولىپ, “شارشاپ كەتتٸم, تٷك تە ايتىسقىم كەلمەيدٸ” دەپ تٷڭٸلگەندە, “اينۇر, ايشا ٶسكەنشە ايتىسىپ ال, ول بەرٸبٸر ايتىستان سەنٸ قۋىپ شىعادى” دەپ كٷلدٸرگەن ەدٸ. مۇڭايىپ تۇرعانىنىنىڭ ٶزٸندە جىميىپ تۇراتىن ەدٸ جانىم. نۇرسۇلتان ۇلىنىڭ كٶزٸنەن دە ەكەسٸنٸڭ جانارىندا بولاتىن مەيٸرٸمدٸ كٶردٸم. ساعىندىم”, – دەيدٸ اينۇر تۇرسىنباەۆا.
جەلٸ قولدانۋشىلارى مارقۇم ايتىسكەردٸڭ ۇلىن اناسىنا, ال قىزدارىن ەكەسٸنە ۇقساتتى. مۇنىمەن قاتار, اينۇر حانىمنىڭ اۋقاتتى ەكەنٸن تٸلگە تيەك ەتٸپ, بۇل بالالارعا كٶمەكتەسۋدٸ سۇراعان جاندار دا بولدى. “اينۇر حانىم, سٸزدٸڭ ماتەريالدىق جاعدايىڭىز جاقسقى عوي. وسى ەكٸ بالانىڭ بٸر جەتٸستٸككە جەتۋٸنە كٶمەكتەسٸپ جٸبەرسەڭٸزشٸ. اللا رازى بولسىن! ورازەلٸ اقىننىڭ دا ەرۋاعى رازى بولادى”, – دەيدٸ كەريما ەسٸمدٸ جەلٸ قولدانۋشىسى.
