فەستيۆال تاريحىندا العاش رەت شاقىرىلعان الەم جۇلدىزدارىنىڭ تولىققاندى جەكە كونسەرتى ءوتتى.
وسى ايتۋلى مەرەكەنى zakazbiletov.kz جوباسىنىڭ ديرەكتورى ءسابيت سۇلەيمەنوۆتىڭ ارقاسىندا مۇمكىن بولعانىن ايتا كەتۋىمىز كەرەك.
نەلىكتەن Black Eyed Peas؟ ولار قازاقستانعا قالايشا كەلدى؟
ءسابيت سۇلەيمەنوۆتىڭ ايتۋىنشا، Black Eyed Peas توبى ءقازىر ەۋروپاداعى گاسترولدە ءجۇر. ەگەر ولار امەريكادا بولعاندا الىپ كەلۋ قيىنعا سوعار ەدى. ازيا داۋىسىنىڭ ۋاقىتىندا ولار بوس بولدى. الماتىعا ۆەنگريادان ۇشىپ كەلدى، ەندى يسپانياعا ۇشىپ كەتەدى.
قازىرگى ۋاقىتتا Black Eyed Peas توبى "Where is the Love؟" ءحيتىنىڭ 20 جىلدىعى جانە وسى اتتاس توعىزىنشى البومنىڭ شىعۋىنا وراي Elevation الەمدىك تۋرنەسىن وتكىزۋدە. بىرگە اتاپ ءوتۋ ءۇشىن ءتىرى اڭىز will.i.am توپقا قايتا قوسىلدى. ال J. Rey Soul فەرگيدى ءساتتى الماستىردى.
كەشەگى كونسەرتتە كىشىگىرىم وقيعا بولدى – داعىستاننان كەلگەن توپتىڭ جانكۇيەرى ساحناعا پلاكات ۇستاتىپ كىرىپ، مۋزىكانتتار كۇزەتشىگە ونى وتكىزۋگە رۇقسات بەردى. ءتىپتى ونىمەن بىرگە ءاننىڭ ءبىر بولىگىن ورىندادى.
ونىڭ قۋانىشىندا شەك بولمادى! ستاديون باقىتتى ادام مەن will.i.am ارەكەتىن قاتتى قولدادى. بۇل ءقازىردىڭ وزىندە جاندانعان «ازيا داۋىسى» ءتۋريزمنىڭ دامۋىنا مىقتى اسەر بەرۋدە.
سەبەبى قازاقستاننىڭ ءار قالالارىنان جانە رەسەي، بىرىككەن اراب امىرلىكتەرى سياقتى بىرنەشە ەلدەردەن جانكۇيەرلەر الماتىعا تەك Black Eyed Peas ءۇشىن كەلدى. الماتى بۇرىن-سوڭدى مۇنداي كەرەمەت شوۋدى كورگەن ەمەس: Black Eyed Peas 2000-شى جىلدارداعى حيتتەرىن ورىنداعان كەزدە كورەرمەندەر تۇگەل سەكىرىپ بيلەپ كەتتى.
بۇل سالتاناتتى كەش وتە جاقسى اياقتالدى. «حارەكەت» قوعامدىق قورى «ازيا داۋىسى» ساحناسىندا قازاقستاندىقتاردىڭ اقشاسىنا ساتىپ الىنعان پاتەردىڭ كىلتىن مۇقتاج وتباسىنا تابىس ەتتى! «حارەكەت» قورى 2017 جىلى «1000 تەڭگەگە باسپانا» جوباسى اياسىندا قۇرىلعان ەدى. مۇقتاج جاندارعا كومەكتەسۋ ءۇشىن اركىم بار بولعانى مىڭ تەڭگە بەرە الادى. وسىلايشا كومەككە قاجەتتى سوما جينالادى. قۇرىلعالى بەرى قور وتباسىلارعا 650-دەن استام ءۇي ساتىپ السا، كەشە ايگۇل سارىبايەۆانىڭ وتباسى كىلتىن الدى. شاڭىراقتارى باقىتقا تولى بولسىن! «ازيا داۋىسى» انمەن عانا ەمەس، يگى ىستەرمەن دە بىرىكتىرەدى!
بۇگىن، فەستيۆالدىڭ سوڭعى كۇنىندە ءبىز اڭىزداردى ەسكە الامىز! بارشاڭىزدى مەدەۋدە كۇتەمىز!
فەستيۆال دەمەۋشىلىك پەن اقپاراتتىق قولداۋدىڭ ارقاسىندا مۇمكىن بولعانىن ەسكە سالامىز! «ازيا داۋىسى - 2023» فەستيۆالىنىڭ باس سەرىكتەسى جانە تەڭ ۇيىمداستىرۋشىسى – Halyk Bank. ونىڭ سىيلىقتارى كۇن سايىن مەدەۋدەگى ءىس-شارالار كەزىندە ويناتىلادى جانە وعان بارلىعى قاتىسا الادى!
30 شىلدەدە وتەتىن كونسەرتكە بيلەت ساتىپ العاندار فەستيۆالدىڭ تاعى ءبىر دەمەۋشىسى - Allur Auto ۇسىنعان Chevrolet Onix اۆتوكولىگىن ۇتىپ الۋ مۇمكىندىگىنە يە بولدى.
الماتى قالاسىنىڭ اكىمدىگى كورەرمەندەردىڭ مەدەۋگە وڭاي جەتىپ، قالاعا جىلدام ورالۋىن قامتاماسىز ەتتى. فەستيۆال كەزىندە قوسىمشا اۆتوبۋس باعىتى ىسكە قوسىلدى. ساتبايەۆ پەن بايتۇرسىنوۆ قيىلىسىنان اۆتوبۋستار ساعات 14:00-دەن 24:00-گە دەيىن 10-15 مينۋت ارالىقپەن جۇرەتىن بولادى. ءبىر باعىتقا ءجۇرۋ قۇنى 150 تەڭگە. كەشە كونسەرتتەن قايتقان حالىقتى اۆتوبۋستار تەگىن تاسىدى.
رەسمي تەلەارنا: Silk Way
رەسمي گازەتتەر: «Almaty aqshamy» مەن «ۆەچەرنيي الماتى»
اقپاراتتىق قولداۋ: «1 كانال «ەۆرازيا»، «نتك»، MUZZONE TV، Business FM، RadioCitۋ، «دەلوۆوي كازاحستان»، «قالا مەن دالا»، «نوۆوە پوكولەنيە»، «موسكوۆسكيي كومسومولەس»، Forbes.kz، Zakon.kz، Caravan.kz، Kursiv.media، Nege.kz، Arbat.media، Informburo.kz، Baigenews.kz، Zhatpa.kz، Weproject.media، DALA INSIDE تەلەگرامى، تۇركىتىلدەس جۋرناليستەر قورى مەن «قازاقستاندىق پرەسس-كلۋب».
