شاھارداعى قۇرىلىس الاڭدارىن ارالاعان وبلىس ەكٸمٸ ٶمٸرزاق شٶكەەۆ جاۋاپتى تۇلعالارعا ساياباقتاردىڭ قۇرىلىسىن شيراتۋدى تاپسىردى. بٸرقاتار ەسكەرتۋلەر ايتىپ, جۇمىس ساپاسى مەن شارت مەرزٸمدەرٸنە قاتىستى ناقتى تاپسىرمالار بەردٸ.
تٷركٸستان وبلىسى قۇرىلعان كٷننەن باستاپ شاھاردى دامىتۋ تۇرعىسىنداعى كەشەندٸ جوبالاردىڭ قارقىنى جوعارى. ولاردىڭ بٸر بٶلٸگٸ شاھاردا ميكروكليمات قالىپتاستىرىپ, تٷركٸستاننىڭ كليماتىن تٷپكٸلٸكتٸ ٶزگەرتۋگە باعىتتالعان. وبلىس ورتالىعىن كٶگالداندىرۋ مەن سۋ ارنالارىنىڭ ارتۋى بويىنشا اتقارىلار جۇمىستار وبلىس ەكٸمٸ ٶمٸرزاق شٶكەەۆتٸڭ باستى نازارىندا.
جاقىندا تٷركٸستان قالاسىندا بٸرنەشە جاڭا ساياباق اشىلىپ, پايدالانۋعا بەرٸلەدٸ. تۋريستەر مەن تۇرعىندار ساياباقتاردىڭ اۋماعىندا دەمالىپ, كٶل جاعالاۋىندا سەرۋەندەي الادى.
سولاردىڭ بٸرٸ – قالا ٸرگەسٸندەگٸ 28 گەكتار جەردە ورنالاسقان «دەندروساياباق». سىيىمدىلىعى 200 مىڭ تەكشە مەتردەن اساتىن جاساندى كٶل 4,5 گەكتار اۋماققا جايعاسادى. سۋ ايدىنى بٶگەن سۋ قويماسىنان كەلەتٸن ارىس – تٷركٸستان كانالى ارقىلى قامتاماسىز ەتٸلەدٸ. سالىستىرمالى تٷردە ايتاتىن بولساق, جاقىندا اشىلعان «كەرۋەن ساراي» تۋريستٸك كەشەنٸندەگٸ جاساندى كٶلدٸڭ كٶلەمٸ بۇدان 10 ەسە كٸشٸ, ياعني, 20 مىڭ تەكشە مەتردٸ قۇرايدى.
تٷركٸستان قالاسىنداعى ەكٸمشٸلٸك-ٸسكەرلٸك ورتالىعىندا قۇرىلىسى جٷرٸپ جاتقان سپورتتىق كەشەندەرٸ بار ەسكەك ەسۋ كانالىنىڭ كازاقستاندا بالاماسى جوق. حالىقارالىق تالاپتارعا ساي وليمپيادالىق ورتالىق ٶڭٸردە قولايلى ميكروكليمات قالىپتاستىرىپ, سەۋلەتتٸك كٶركٸن كەلتٸرۋمەن قوسا, تۋريزم سالاسىن دامىتۋعا سەپ بولماق. سپورت كەشەنٸندە قوناقٷيلەر, ۆەلوجولدار, باسسەيندەر, ەللينگ, كانوەگە ارنالعان جاعالاۋلار, كٶپٸر جەنە تاعى باسقا نىساندار ورنالاسادى.
