ق ر اقپارات جانە قوعامدىق دامۋ ءمينيسترى بريفينگ بارىسىندا ۇلتتىق جوبا مەملەكەت باسشىسى قاسىم-جومارت توقايەۆتىڭ تاپسىرماسى بويىنشا ازىرلەنىپ، قازاقستاندىق قوعامنىڭ مادەنيەت، اعارتۋ جانە ۇلتتىق رۋح دەڭگەيىن ارتتىرۋعا باعىتتالعانىن اتاپ ءوتتى.
ايدا بالايەۆا ۇلتتىق جوبا تۇڭعىش پرەزيدەنت – ەلباسى نۇرسۇلتان نازاربايەۆتىڭ باعدارلامالىق ماقالاسىندا ايتىلعان «رۋحاني جاڭعىرۋ» قۇندىلىقتارىن ىلگەرىلەتۋدىڭ كەلەسى كەزەڭى بولىپ تابىلاتىنىن اتاپ ءوتتى.
– مازمۇنى جاعىنان بۇل ءمانى تەرەڭ، اۋقىمى وتە كەڭ جوبا. بۇل – قانشاما عاسىرلار بويى قالىپتاسقان حالقىمىزدىڭ مادەني بولمىسى، تاريحى مەن تامىرى. سوندىقتان، اسىرەسە قازىرگى جاھاندانۋ كەزەڭىندە ونى ساقتاپ قالۋ، ۇرپاق بويىنا ءسىڭىرۋدىڭ ماڭىزى زور. بۇگىنگى ۇرپاق بويىنا «ۇلتتىق كود» ۇعىمىن قانشالىقتى تەرەڭ سىڭىرسەك – ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى، – دەپ اتاپ ءوتتى مينيستر.
ۇلتتىق جوبا ءۇش باعىت بويىنشا ىسكە اسىرىلادى، ولاردى ورىنداۋعا بىردەن ءۇش مينيسترلىك قاتىسادى. قۇجاتقا جەتى مىندەت، 20-دان استام كورسەتكىش جانە 60-تان استام ءىرى ءىس-شارالار كىرەدى.
ءبىرىنشى باعىت – ەلدىڭ زياتكەرلىك الەۋەتىن جانە مەملەكەتتىك ءتىلدىڭ مارتەبەسىن ارتتىرۋ. ول ساپالى كونتەنتتى ۇلعايتۋ ارقىلى ىسكە اسىرىلاتىن بولادى.
ەلىمىزدىڭ زياتكەرلىك الەۋەتىن دامىتۋ بويىنشا 38 جوبا جوسپارلانعان.
2025 جىلعا دەيىن بارلىق وقۋشىلاردى ەلىمىزدىڭ مادەني مۇراسىمەن تەرەڭىرەك تانىستىراتىن جوبامەن قامتۋ جوسپارلانۋدا، ال «وقيتىن ۇلت» جوباسى قازاقستاندىقتاردىڭ وقىرماندىق بەلسەندىلىگىن ارتتىرۋى ءتيىس.
مەملەكەتتىك ءتىل مارتەبەسىن دامىتۋ ءۇشىن وقۋ باعدارلامالارى مەن ادىستەمەلەر جاڭارتىلاتىن بولادى. قازاق ءتىلىنىڭ ۇلتتىق كورپۋسىن قۇرۋ، لاتىن ءالىپبيىن ەنگىزۋدى جالعاستىرۋ جانە قازاق ءتىلىن دامىتۋعا مۇددەلى بارلىق ادامداردى وقۋ ادەبيەتىمەن قامتاماسىز ەتۋ جوسپارلانۋدا.
ەكىنشى باعىت – «ەل رۋحى» قازاقستاندىق كينو ونىمدەرى مەن مۋلتفيلمدەر ءوندىرىسىن جەڭىلدەتۋگە، وتاندىق سۋرەتشىلەر مەن فوتوگرافتاردىڭ كورمەلەرىن، قازاقستاندىق ەسترادا مەترلەرىنىڭ كونسەرتتەرىن قولجەتىمدى ەتۋگە مۇمكىندىك بەرەتىن شارالار كەشەنىن بىرىكتىرەدى.
ايدا بالايەۆا ەكىنشى باعىتتى ىسكە اسىرۋ 2025 جىلعا قاراي بەس ناقتى ناتيجەگە قول جەتكىزە وتىرىپ، شامامەن 13 ءىرى مادەني ءىس-شارانى قامتيتىنىن اتاپ ءوتتى. كونسەرتتەر، سپەكتاكلدەر مەن ءتۇرلى كورمەلەر قازاقستاننىڭ ءىرى قالالارىندا عانا ەمەس، سونداي-اق ەلىمىزدىڭ شالعاي اۋداندارىندا دا وتەدى دەپ بولجانۋدا. 2025 جىلعا قاراي 40 انيماسيالىق فيلم جاسالادى، ال كينوپروكاتتاعى وتاندىق فيلمدەردىڭ ۇلەسى كەمىندە 25%-دى قۇرايتىن بولادى.
ق ر اقپارات جانە قوعامدىق دامۋ ءمينيسترى ءوز سوزىندە «ە-culture.kz» ءبىرىڭعاي ەلەكتروندىق پلاتفورما جوباسىن اتاپ ءوتتى:
– جوبا وتاندىق مادەنيەتتىڭ بارلىق جەتىستىكتەرىنە ەركىن رەجيمدە ونلاين تۇردە قول جەتكىزۋگە مۇمكىندىك بەرەدى. جەر شارىنىڭ كەز كەلگەن نۇكتەسىنەن، ۇيدەن شىقپاي-اق، ءبىزدىڭ مۇراجايلار مەن تەاترلارعا، كىتاپحانالارعا جانە باسقا دا مادەني كورىكتى جەرلەرگە بارۋعا بولادى، – دەپ اتاپ ءوتتى ايدا بالايەۆا.
ءۇشىنشى باعىت – «تاۋەلسىزدىك ۇرپاقتارى» جاستار ءۇشىن جاڭا مۇمكىندىكتەر جاساۋعا باعىتتالعان.
مينيستر ايدا بالايەۆا بۇل باعىت جاستاردىڭ نەگىزگى پروبلەمالارىن – قولجەتىمدى ءبىلىم، جۇمىسپەن قامتۋ جانە تۇرعىن ءۇيدى شەشۋگە كومەكتەسۋى ءتيىس ەكەنىن ءتۇسىندىردى. وسى باعىت شەڭبەرىندە كەمىندە 800 مىڭ جاس تۇرعىن ءۇي جيناقتارى جۇيەسىن پايدالانا الادى. ءبىر ميلليونعا جۋىق جاستار قازاقستاندىق الەۋمەتتىك قىزمەتتەرمەن قامتاماسىز ەتىلەدى؛ بارلىق باعدارلامالار بويىنشا جاس وتباسىلار ءۇشىن قارىز ۇلەسى 25%-عا دەيىن ارتادى؛ 1،5 ملن-عا جۋىق جاستار سپورتتىق جانە ەكولوگيالىق جوبالارعا تارتىلاتىن بولادى.
– NEET كاتەگورياسى دەپ اتالاتىن جاستاردى قولداۋ شارالارىنا ەرەكشە نازار اۋدارعىم كەلەدى، وندا ءبىز جۇمىسپەن قامتىلماعان جاستاردىڭ سانىن 5%-عا دەيىن تومەندەتۋدىڭ ناقتى مىندەتىن قويامىز، – دەدى ايدا بالايەۆا.
بريفينگ بارىسىندا ب ا ق وكىلدەرى «ۇلتتىق رۋحاني جاڭعىرۋ» ۇلتتىق جوباسى بويىنشا سۇراقتار قويىپ، ولارعا ق ر اقدم باسشىسى ايدا بالايەۆا، مادەنيەت جانە سپورت ۆيسە-مينيسترى نۇرعيسا داۋەشوۆ، ق ر ءبىلىم جانە عىلىم مينيسترلىگىنىڭ وكىلى ادىلبەك قابايەۆ جاۋاپ بەردى.
