فورۋمدى اقپارات جانە قوعامدىق دامۋ ءمينيسترى ايدا بالايەۆا، قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازييەۆا اشتى.
مينيستر ءوز سوزىندە X ازاماتتىق فورۋمنىڭ جۇمىسى قازاقستان تاۋەلسىزدىگىنىڭ 30 جىلدىعىنىڭ قورىتىندىلارىنا ارنالعان ماڭىزدى وقيعا ەكەنىن اتاپ ءوتتى. تاۋەلسىزدىك تاڭىندا قازاقستاننىڭ ازاماتتىق سەكتورى ونداعان ۇەۇ-دان باستالعانىن ەسكە سالا تۇرا، ا.بالايەۆا بۇگىندە ەلىمىزدىڭ بۇل سالاسى ورتالىق ازياداعى ەڭ دامىعان قوعامدىق ينستيتۋتقا اينالعانىن ايتتى. ماسەلەن، جىل سايىن قازاقستاندىق "ءۇشىنشى سەكتوردىڭ" قاتارى ورتا ەسەپپەن 150 جاڭا قاتىسۋشىعا قوسىلىپ كەلەدى.
– ازاماتتىق فورۋم – بۇل كەيبىرەۋلەر دايەكسىز ايتاتىنداي «ۇەۇ وكىلدەرىنىڭ دەكلاراتيۆتى-حاتتامالىق جيىنى» ەمەس، ال قولدانبالى يدەيالار مەن باستامالار تۋىندايتىن، مينيسترلەر مەن اكىمدەر ازاماتتىق بەلسەندىلەرمەن تەڭ دارەجەدە بىرلەسكەن ءىس — قيمىل جوسپارلارىن جاسايتىن، جەكەلەگەن الەۋمەتتىك پروبلەمالاردى شەشۋگە مەملەكەت ۇەۇ-دى تارتاتىن ناقتى جۇمىس پروسەسى، – دەدى مينيستر.
ايتا كەتەيىك، X ازاماتتىق فورۋم جۇمىسىنا تۇڭعىش رەت قازاقستاننىڭ ەقىۇ، بۇۇدب، يۋنيسەف، فريدريح ەبەرت قورى، يۋنەسكو، يۋسايد سياقتى حالىقارالىق سەرىكتەستەرى قاتىسۋدا. ا.بالايەۆا ولاردىڭ قازاقستاندىق ازاماتتىق قوعامنىڭ دامۋىنا قوسقان ەلەۋلى ۇلەسىن اتاپ ءوتتى. «بۇل ميسسيالارعا سىندارلى ديالوگ پەن قۇندى ۇسىنىستار ءۇشىن، ءوزارا تۇسىنىستىك پەن قولداۋ ءۇشىن، ادامگەرشىلىك پەن اشىقتىق تانىتقان ءۇشىن العىس ايتقىم كەلەدى» دەدى ول.
ءوز كەزەگىندە، قازاقستاننىڭ ازاماتتىق اليانسىنىڭ پرەزيدەنتى ب.نۇرعازييەۆا ازاماتتىق فورۋم — قوعامنىڭ، بيلىك پەن بيزنەستىڭ سىندارلى ديالوگىن قۇراتىن ەلىمىزدىڭ باستى الاڭى ەكەنىن اتاپ ءوتتى. «بۇگىن ازاماتتىق فورۋم جالپىۇلتتىق سيپاتقا يە بولدى.
ول حالىق پەن بيلىك اراسىنداعى كەرى بايلانىستىڭ ءتيىمدى مەحانيزمىنە اينالدى. ۇكىمەتتىك ەمەس سەكتور ناقتى قوعامدىق كۇشكە قالىپتاستى دەپ پايىمداۋعا بارلىق نەگىز بار» دەدى ول.
X ازاماتتىق فورۋمنىڭ جۇمىسى 22-26 قاراشا ارالىعىندا نۇر-سۇلتان جانە الماتى قالالارىندا 5 كۇن بويى گيبريدتى: ونلاين دا، وفلاين فورماتتا دا وتەدى.
فورۋمعا قاتىسۋعا نيەت بىلدىرگەندەردىڭ بارلىعى قاتىسا الادى، تىكەلەي ەفير YouTube جانە Facebook الەۋمەتتىك جەلىلەرىندەگە ارنايى رەسمي پاراقشالارىندا كۇن سايىن وتكىزىلەدى، ياعني ءوز سۇراقتارىن قويىپ، جەدەل تۇردە كەرى بايلانىس الا الادى.
ۇەۇ مەن قوعام، مەملەكەتتىك ورگاندار مەن كۆازيمەملەكەتتىك سەكتور، ب ا ق جانە بيزنەس وكىلدەرىنىڭ اراسىنان 20 مىڭنان استام قاتىسۋشىنى قامتۋ جوسپارلانۋدا.
تاعى وقىڭىز:
