اۋىل كەسٸپكەرلٸگٸن قولداۋعا «AMANAT» پارتيياسىنىڭ «اۋىل اماناتى» جوباسى ايرىقشا ىقپال ەتۋدە, دەپ حابارلايدى dalanews.kz.
مەسەلەن, باتىس قازاقستان وبلىسى قاراتٶبە اۋدانىنىڭ جۋساندىوي اۋىلىندا بٷگٸندە سٷت باعىتىنداعى اۋىل شارۋاشىلىق كووپەراتيۆٸ قارقىندى دامىپ كەلەدٸ. جەڭٸلدەتٸلگەن قارجىلاندىرۋدىڭ ارقاسىندا كووپەراتيۆ مٷشەلەرٸ قاجەتتٸ ارنايى تەحنيكالاردى ساتىپ الىپ, ورتاق شارۋاشىلىق جٷرگٸزۋ ٷشٸن كٷش بٸرٸكتٸرگەن. بۇل قادام ٶندٸرٸس كٶلەمٸن ارتتىرۋمەن قاتار, اۋىل تۇرعىندارى ٷشٸن جاڭا جۇمىس ورىندارىن اشۋعا مٷمكٸندٸك بەرٸپ وتىر.
كووپەراتيۆ مٷشەسٸ بەرٸك باقىتجانوۆتىڭ ايتۋىنشا, جوباعا قاتىسۋ وتباسىلىق كەسٸپتٸ دامىتۋداعى ماڭىزدى قادام بولعان. ونىڭ سٶزٸنشە, زاماناۋي تەحنيكا كٷندەلٸكتٸ جۇمىستى جەڭٸلدەتٸپ, شارۋاشىلىقتى تيٸمدٸ جٷرگٸزۋگە جول اشقان.
«بۇل – اتادان بالاعا جالعاسىپ كەلە جاتقان كەسٸپ. «اۋىل اماناتى» جوباسىنىڭ ارقاسىندا قاجەتتٸ تەحنيكالاردى ليزينگكە الدىق. قازٸر سول تەحنيكالاردىڭ كٶمەگٸمەن شارۋاشىلىقتى جٷيەلٸ جٷرگٸزٸپ, كەسٸبٸمٸزدٸڭ اۋقىمىن كەڭەيتٸپ كەلەمٸز. اۋىل جاستارى دا وسىنداي مٷمكٸندٸكتەردٸ پايدالانىپ, ٶز ٸسٸن اشسا دەيمٸز. قىس مەزگٸلٸندە تەحنيكامەن اۋىل تۇرعىندارىنا دا كٶمەكتەسەمٸز», – دەيدٸ كەسٸپكەر.
كووپەراتيۆتٸڭ باستى ارتىقشىلىقتارىنىڭ بٸرٸ – بٸرنەشە شارۋاشىلىقتىڭ رەسۋرستارىن بٸرٸكتٸرۋٸ. بۇرىن اۋىل تۇرعىندارى جەكە جۇمىس ٸستەپ, كٶپ شىعىنعا ۇشىراسا, بٷگٸندە تەحنيكالار ورتاق پايدالانىلىپ, شىعىن كٶلەمٸ ازايعان. مۇنداي تەسٸل سٷت ٶنٸمدەرٸنٸڭ كٶلەمٸن ارتتىرىپ قانا قويماي, ونىڭ ساپاسىنا دا وڭ ەسەرٸن تيگٸزۋدە.
بٷگٸندە مۇندا بەس ادام تۇراقتى جۇمىسپەن قامتىلعان. جاز مەزگٸلٸندە قوسىمشا جۇمىسشىلار تارتۋ جوسپارلانىپ وتىر. اۋىل تۇرعىندارىنىڭ ايتۋىنشا, مۇنداي باستامالار اۋىلداعى كەسٸپكەرلٸكتٸ دامىتىپ, حالىقتىڭ تۋعان جەردە تۇراقتاپ ەڭبەك ەتۋٸنە جاعداي جاساۋدا.
قاراتٶبە اۋداندىق پارتييا فيليالىنىڭ اتقارۋشى حاتشىسى ابات زەينۋلليننٸڭ ايتۋىنشا, «اۋىل اماناتى» جوباسى بٷگٸندە اۋداننىڭ اۋىل شارۋاشىلىعىن دامىتۋدا ماڭىزدى رٶل اتقارىپ وتىر.
– «قاراتٶبە اۋدانىندا «اۋىل اماناتى» جوباسىنىڭ ارقاسىندا مال شارۋاشىلىعى بەلسەندٸ دامىپ كەلەدٸ. شالعاي اۋىلدارداعى شارۋالار زاماناۋي تەحنيكا الىپ, كەسٸبٸن كەڭەيتۋگە مٷمكٸندٸك الۋدا. پارتييالىق جوبا اياسىنداعى قولداۋ اۋىلداعى شاعىن كەسٸپكەرلٸكتٸ دامىتۋ ٷشٸن اسا ماڭىزدى», – دەدٸ ابات زەينۋللين.
