اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا بٸر وتباسىنىڭ تٶرت مٷشەسٸن ٶلتٸرۋ تۋرالى رەزونانستى ٸس قارالىپ جاتىر. سوت پروتسەسٸ شوك تۋدىراتىن دەلەلدەمەلەردٸ, ياعني تەرگەۋ ەرەكەتتەرٸ تٷسٸرٸلگەن بەينەجازبالاردى زەرتتەۋ كەزەڭٸنە ٶتتٸ. الايدا پروتسەسس جوسپارداعىداي بولمادى: كادرلارداعى مەيٸتتەردٸڭ جاعدايىنا بايلانىستى سۋديا قاتاڭ شەكتەۋ ەنگٸزۋگە مەجبٷر بولدى, ال سوت زالىندا كٷتپەگەن جەردەن تەحنيكا ٸستەن شىعا باستادى دەپ حابارلايدى dalanews.kz.
وتىرىستىڭ نەگٸزگٸ بٶلٸگٸ مارقۇمداردىڭ دەنەسٸن قازىپ الۋ سەتٸ تٷسٸرٸلگەن بەينەجازبالاردى كٶرۋ بولۋى كەرەك ەدٸ. الايدا سۋديا زالدا وتىرعاندار مەن جۋرناليستەرگە بەرٸن تولىق كٶرسەتۋگە رۇقسات بەرمەدٸ. كامەراعا تەك پروتسەدۋرانىڭ باستاپقى بٶلٸگٸن عانا تٷسٸرۋگە مٷمكٸندٸك بەرٸلدٸ. بۇعان مەيٸتتەردٸڭ ۇزاق ۋاقىت جەر استىندا جاتىپ, قاتتى ٶزگەرٸسكە ۇشىراۋى سەبەپ بولعان.
"مەيٸتتەردٸ شىعارىپ الۋ سەتٸ بەينەلەنگەن ۆيدەوكادرلاردى جازۋعا جەنە ولاردى ەلەۋمەتتٸك جەلٸدە تاراتۋعا تىيىم سالىنادى. ٶزدەرٸڭٸز تٷسٸنەسٸزدەر, دەنەلەر ۇزاق ۋاقىت كٶمۋلٸ جاتقاندىقتان قاتتى ٶزگەرگەن. مۇنداي كادرلاردى پسيحيكاسى ەلسٸز ادامدار مەن كەمەلەتكە تولماعاندار كٶرٸپ قويۋى مٷمكٸن. بۇل ولارعا زييان كەلتٸرۋٸ ىقتيمال", – دەدٸ ٸستٸ قاراپ جاتقان سۋديا زارەما حاميدۋللينا.
سوت زالىنداعى تٸلشٸنٸڭ حابارلاۋىنشا, تسەنزۋراسىز كادرلار ٶتە اۋىر بولعان. مارقۇمداردىڭ دەنەلەرٸ قاتتى بۇزىلعان كٷيدە كٶرسەتٸلگەن. الايدا باستى كٷدٸكتٸ, مارقۇمداردىڭ كٷيەۋ بالاسى سۇلتان سەرسەمەليەۆتٸڭ رەاكتسيياسى دا كۋەگەرلەردٸ تاڭعالدىرعان. ٶز ەيەلٸنٸڭ تۋىستارىن قورا مەن ٷي اۋلاسىنا كٶمدٸ دەپ ايىپتالىپ وتىرعان ەر ادام ەكرانعا ەش ەموتسيياسىز, بەت-جٷزٸ ٶزگەرمەستەن قاراپ وتىرعان.
لومباردتار, زەينەتاقى جەنە شەتەلگە قاشۋ
ەكسگۋماتسييا ۆيدەولارىنان بٶلەك, سوتقا بٸرقاتار زاتتاي دەلەلدەمە ۇسىنىلدى. ماتەريالدار قاتارىندا مىنالار بار:
ماقسوت قارابالين, نەسٸپ ۋتەشقاليەۆا جەنە ولاردىڭ بالالارى – 32 جاستاعى ناۋرىز بەن 35 جاستاعى مەيرامگٷلدٸڭ دەنەسٸن قاراۋ كەزٸندە تٷسٸرٸلگەن جازبالار;
مۇنايشى-3 ىقشاماۋدانىندا جٷرگٸزٸلگەن تەرگەۋ ەكسپەريمەنتٸنٸڭ ۆيدەوسى. وندا سەرسەمەليەۆ تۋىستارىن قالاي ٶلتٸرگەنٸن ەگجەي-تەگجەيلٸ كٶرسەتٸپ, ايتىپ بەرگەن;
ايىپتالۋشىنىڭ جاڭا عانا ٶلتٸرٸلگەن ەنەسٸ نەسٸپتٸڭ التىن ەشەكەيلەرٸن لومباردقا ٶتكٸزگەن سەتٸ تٷسٸرٸلگەن كادرلار;
“قازپوشتا” عيماراتىنداعى بەينەجازبالار. وندا ايىپتالۋشى تۋىستارى “حابار-وشارسىز كەتتٸ” دەپ سانالىپ جٷرگەن كەزدە ولاردىڭ زەينەتاقىسىن سابىرلى تٷردە شەشٸپ العانى كٶرٸنەدٸ;
شىمكەنت ۆوكزالى مەن “قاپلانبەك” شەكارا بەكەتٸنٸڭ كامەرالارىنداعى جازبالار. بۇل ماتەريالدار ونىڭ ەلدەن قاشۋ باعىتىن كٶرسەتەدٸ. سونداي-اق ٸس ماتەريالدارىندا سەرسەمەليەۆ پەن ونىڭ ەيەلٸ اقبايان مۇقانعاليەۆادان الىنعان جاۋاپتار بار.
تەحنيكالىق اقاۋ ما, ەلدە تىلسىم جاعداي ما?
ەڭ اۋىر ۆيدەوماتەريالداردى كٶرسەتۋ كٷتپەگەن سەبەپپەن توقتاپ قالعان. ەكسگۋماتسييا كادرلارى كٶرسەتٸلٸپ جاتقان كەزدە سوت زالىنداعى تەحنيكا جاپپاي ٸستەن شىعا باستاعان: ديسكٸلەر وقىلماي قالعان, ال بۇعان دەيٸن ەش قيىندىقسىز اشىلعان فايلدار كەنەتتەن “بوس” بولىپ شىققان.
تٸلشٸ بۇل جاعدايدى “تىلسىم قۇبىلىسقا” تەڭەگەن. ونىڭ ايتۋىنشا, سۋديانىڭ ٶزٸ دە بولعان جايتقا تاڭعالعان, سەبەبٸ بۇعان دەيٸن بارلىق تەحنيكا قالىپتى جۇمىس ٸستەپ تۇرعان.
تەحنيكالىق اقاۋلارعا بايلانىستى نەگٸزگٸ دەلەلدەمەلەردٸ قاراۋ كٷننٸڭ ەكٸنشٸ جارتىسىنا شەگەرٸلدٸ.
