اتىراۋلىقتار ەكٸمٸن جوعالتىپ, ونى ٸزدەپ جاتىر
«مەن 1920 جىلعى لاندىشەۆا كاتەرينا يۆانوۆنامىن. تاس جول دەگەن اتىمەن جوق اتىراۋ قالاسى, بالىقشى اۋدانى, ۆودنيكوۆ اۋىلىنىڭ تۇرعىنىمىن. قالاعا جاڭا ەكٸم تاعايىندالدى دەپ ەستٸگەنمٸن, بٸراق ول ەلٸ تٶبەسٸن بٸر كٶرسەتپەگەن سوڭ, الاڭداپ, پوليتسيياعا حابارلاسۋعا مەجبٷرمٸن. قازٸر مازاسىز ۋاقىت, ٷنەمٸ بٸزدە قاۋٸپتٸڭ قانداي دا بٸر دەڭگەيٸ جارييالانادى. مۇندايدا قالاي تىنىش ۇيىقتايسىز, ەگەر قالادا ەكٸم بولماسا. نەگٸزٸ, ول بار, بٸراق تٷرٸن كٶرگەنٸمٸز جوق. ونى حالىقتان نەعىپ تىعىپ وتىر?
جازدىڭ سوڭىندا قالا ٷلكەن قوقىس الاڭىنا اينالدى, ال ەكٸم بولسا, ەلٸ جوق. ەندٸ كٷز كەلە جاتىر, ال جول بولسا ەلٸ جاسالماعان, ەكٸم جوق. مەكتەپتەردٸڭ دايىن-دايىن ەمەستٸگٸ دە تٷسٸنٸكسٸز, تاعى دا وقۋلىقتار جەتٸسپەي جاتىر, ال ەكٸم جوق… بٸزدٸڭ ەكٸمدٸ تاۋىپ بەرٸڭٸزدەرشٸ!
نەگٸزٸ, ول شايتاناربا ٷيرەنەتٸن كۋرسقا بارىپ جٷر دەگەن سىبىس بار. ەكٸمدەرگە ارنالعان. وعان بەكەر تەر تٶكپەسٸن دەڭٸزدەرشٸ. ٶيتكەنٸ بٸزدٸڭ قالادا ۆەلوسيپەدكە ارنالعان جول جوق. بٸرەۋٸ بار, ەۋەجايعا اپاراتىن, وندا دا ونى پۋتينگە كٶرسەتۋ ٷشٸن سالعان. ەكٸمگە ٸزدەۋ جارييالاڭىزدارشى, ٶتٸنەمٸن! جىلۋمەن قامتۋ مەرزٸمٸ تاقاعاندا قالانى تاستاپ كەتكەنٸ, نەگٸزٸ بولمادى» دەپ جازىلادى ەزٸل-قالجىڭ ارالاس اتىراۋ قالاسى ەكٸمٸنە سالىنعان ٸزدەۋ حاتتا.
ەلەۋمەتتٸك جەلٸدەگٸ بۇل جازباعا قاتىستى وبلىستىق ەكٸمدٸكتٸڭ باسپاسٶز قىزمەتٸ جاۋاپ بەردٸ دەپ حابارلادى قازاقپارات.
«اتىراۋ قالاسىنىڭ ەكٸمٸ سەرٸك شاپكەنوۆ قالانىڭ جاعدايىمەن تانىسىپ جاتىر, شاعىناۋداندار مەن قالا سىرتىنداعى ەلدٸ-مەكەندەردٸ ارالاپ, كٶرٸپ جٷر. ول قىزمەتٸنە كٸرٸسكەن جارتى اي ٸشٸندە بٸرنەشە رەت قالا تۇرعىندارىن قابىلداپ, قالاداعى رەسمي شارالارعا دا قاتىستى. سوڭعى رەت قالا باسشىسى ۇستازدارعا ارنالعان تامىز كەڭەسٸنە قاتىسقان بولاتىن.
تاياۋ كٷندەرٸ سەرٸك شاپكەنوۆ اتىراۋ وبلىسىنىڭ ەكٸمٸ نۇرلان نوعاەۆپەن بٸرگە مۇعالٸمدەردٸڭ وبلىستىق تامىز كونفەرەنتسيياسىنا قاتىسپاق. اتىراۋ ەكٸمٸنٸڭ بارلىق باق ٶكٸلدەرٸنە تٸلدەسۋ ٷشٸن ەردايىم ەسٸگٸ اشىق» — دەيدٸ وبلىستىق ەكٸمدٸكتٸڭ باسپاسٶز قىزمەتٸ.
ەسكە سالا كەتەلٸك, سەرٸك شاپكەنوۆ اتىراۋ قالاسىنا 14-شٸلدەدە ەكٸم بولىپ تاعايىندالعان بولاتىن.
دەرەككٶزٸ: kaz.365info.kz
