الاياقتىق جاسادى دەگەن كٷدٸكپەن 11 قاراشادان بەرٸ تەرگەۋ يزولياتورىندا جاتقان اتىراۋدىڭ بۇرىنعى ەكٸمٸ قايرات ورازباەۆتىڭ دەنساۋلىعى سىر بەردٸ, دەپ حابارلايدى Dalanews.kz.
“وبلىس پروكۋرورىنىڭ ۇسىنىسى بويىنشا قالالىق مامانداندىرىلعان تەرگەۋ سوتىنىڭ 22 جەلتوقسانداعى قاۋلىسىمەن ورازباەۆتىڭ دەنساۋلىعىنا بايلانىستى ول ٷيقاماققا اۋىستىرىلدى”, - دەپ حابارلادى وبلىستىق سوتتىڭ باسپاسٶز قىزمەتٸ.
ەستەرٸڭٸزگە سالا كەتەيٸك, ورازباەۆتى اتىراۋ وبلىسى پروكۋراتۋراسىنىڭ قىزمەتكەرلەرٸ ۇستاعان بولاتىن. ول جەر قاتىناستارى سالاسىندا الاياقتىق جاسادى دەگەن كٷدٸككە ٸلٸندٸ.
