مارقۇمنىڭ تۋىستارىنىڭ سٶزٸنشە, 4-شٸ بالاسىن اۋىلدا ەمەس, اتىراۋداعى بٸلٸكتٸ دەرٸگەرلەردٸڭ قولىندا بوسانامىن دەپ كەلگەن وعان دەر كەزٸندە مەديتسينالىق كٶمەك كٶرسەتٸلمەپتٸ. قايعىلى وقيعادان كەيٸن كەشٸرٸم سۇراپ كەلگەن دەرٸگەرلەردٸ قارا جامىلعان وتباسى ەندٸ سوتقا سٷيرەيمٸز دەپ وتىر.
گٷلدانا جەكەنوۆاعا اۋىلداعى دەرٸگەر «بالانىڭ جولداسى بٸرٸنشٸ كەلٸپ تۇر» دەپ, قالادا بوسانۋعا كەڭەس بەرگەن ەكەن. قۇجاتتارىن دا رەتتەپ, شىعارىپ سالىپتى. مارقۇمنىڭ سٸڭلٸسٸ جانىرىستىڭ ايتۋىنشا, اتىراۋ وبلىستىق پەريناتالدىق ورتالىعىنداعىلار گٷلدانانى پورتالعا تٸركەلمەگەنسٸڭ دەپ, بٸر تٷنەتٸپ شىعارىپ جٸبەرگەن. سول كٷنٸ جەدەل جەردەممەن قالالىق پەرزەنتحاناعا قايتا تٷسكەن ول بٸر تەۋلٸك قينالىپ, بوسانا الماي, جان تاپسىرادى. «الماگٷل» پەرزەنتحاناسىنداعى رايسا زاحارقىزى, جانار دۋەتوۆا مەن نازگٷل مۇحامبەتجانوۆا سولار قاراماي, اپامدى ٶزدەرٸ قولىمەن ٶلتٸرٸپ وتىر, مەن سولاردى كٸنەلٸ دەيمٸن. ٶز كٶزٸممەن كٶردٸم, قينادى بٸرشاما اپامدى”, – دەيدٸ مارقۇمنىڭ سٸڭلٸسٸ جانىرىس جەكەنوۆا.
وسى وقيعادان سوڭ اتى اتالعان دەرٸگەرلەر كەلٸنشەكتٸڭ ارتىندا قالعان جۇبايى مەن 3 بالاسىنان كەشٸرٸم سۇراپ كەلٸپتٸ. مىنا كادرلاردا ولار ٶز كٸنەلارىن مويىنداۋدا. ال وبلىستىق دەنساۋلىق ساقتاۋ باسقارماسىنداعى مەلٸمەت بويىنشا, قازٸر تەكسەرۋ جۇمىستارى جٷرٸپ جاتىر. كەلٸنشەكتٸڭ ٶلٸمٸ جازاتايىم جاعدايدان بولعان دەيدٸ ونداعىلار.
“100 پايىز دەرٸگەر كٸنەلٸ دەپ ايتا المايمىن. بٸراق جاتىر جىرتىلعان, قان كەتكەن. الماتىدان كەلگەن ساراپشى اياق استى بولعانىن ايتادى”, – دەيدٸ اتىراۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى دينا كامەلوۆا.
ەندٸ جاڭا جىلدان كەيٸن استانادان, الماتىدان ساراپشىلار كەلەدٸ. گٷلدانا جەكەنوۆا كٶز جۇمعان مىنا پەرزەنتحانا قىزمەتكەرلەرٸنەن وقيعاعا قاتىستى قانداي دا بٸر تٷسٸنٸك الۋ مٷمكٸن بولمادى. قازٸر وقىس وقيعانىڭ مەن-جايىن تيٸستٸ ورىندار تەكسەرٸپ جاتىر. ال مارقۇمنىڭ تۋىستارىنىڭ ارىزى بويىنشا, قالالىق پروكۋروتۋرا بٷگٸن سوتقا دەيٸنگٸ تەرگەۋدٸ باستادى.
