باسقوسۋدا باسقارما باسشىسى وبلىستىق پەرزەنتحانانىڭ بٷگٸنگٸ جاي-كٷيٸن باياندادى.
– 2020 جىلمەن سالىستىرعاندا پەريناتالدىق ورتالىققا جٷكتەمەنٸڭ ارتقانى بايقالادى. مەسەلەن, ەمدەلۋ كٶرسەتكٸشٸ 11,3%-عا, بوسانۋ-10,4%-عا, ونىڭ ٸشٸندە مەرزٸمٸنەن بۇرىن بوسانۋ 10,3%-عا ٶستٸ, – دەدٸ ول.
اسحان بايدۋەليەۆتٸڭ ايتۋىنشا, جالپى, سوڭعى 3 جىلدا پەريناتالدىق ورتالىق ٷشٸن قۇرال-جابدىقتار ساتىپ الۋعا قارجىلاندىرۋ ارتقان. ايتالىق, 2021 جىلى جەرگٸلٸكتٸ بيۋدجەتتەن 2019 جىلمەن سالىستىرعاندا 1,5 ەسە كٶپ قارجى بٶلٸنگەن.
سونداي-اق, باسقارما باسشىسى زاماناۋي كٶلٸكتٸك كيۋۆەز ساتىپ الۋدى جوسپارلاپ وتىرعانىن جەتكٸزدٸ. ول جاڭا تۋعان نەرەستەلەردٸ پەريناتالدىق ورتالىققا جەتكٸزۋ كەزٸندە ەپيدەميولوگييالىق قاۋٸپسٸزدٸكتٸ قامتاماسىز ەتۋگە مٷمكٸندٸك بەرددٸ. كٶلٸكتە ٶكپەنٸ جاساندى جەلدەتۋ قۇرالدارى بار ەكەن.
جيىن سوڭىندا ٶڭٸر باسشىسى ماحامبەت دوسمۇحامبەتوۆ جاۋاپتى تۇلعالارعا بٸرقاتار تاپسىرما بەردٸ.
– وبلىستىق پەريناتالدىق ورتالىق جٶندەۋ جۇمىستارى كەزٸندە №2 وبلىستىق اۋرۋحاناسىنىڭ مودۋلدٸك كورپۋسىنا اۋىستىرۋ مەسەلەسٸ مۇقييات قارالسىن. وبلىستاعى ٸرٸ ستاتسيونارلاردا ميكروبيولوگييالىق زەرتحانالاردى اشۋ مەسەلەسٸن شەشٸڭٸزدەر, – دەدٸ وبلىس ەكٸمٸ ماحامبەت دوسمۇحامبەتوۆ.
ايتا كەتەيٸك, ايماق بويىنشا جٷكتٸ ەيەلدەردٸڭ 53 پايىزى وبلىستىق پەريناتالدىق ورتالىقتا بوسانادى.
