اتىراۋ وبلىسى مەملەكەتتىك ەڭبەك ينسپەكسياسى باسقارماسىنىڭ ءبولىم باسشىسى سوتتالدى، - دەپ حابارلايدى Dalanews.kz.
اتىراۋ قالاسىنىڭ №2 سوتىمەن وبلىستىق مەملەكەتتىك ەڭبەك ينسپەكسياسى باسقارماسىنىڭ ءبولىم باسشىسى س. دجاباسوۆقا قاتىستى ۇكىم جاريالاندى.
"ول كاسىپكەردىڭ اقشاسىن الاياقتىق جولمەن جىمقىرۋعا وقتالعانى جانە وندىرىستە ەكى قىزمەتكەردىڭ قايتىس بولۋى فاكتىسى بويىنشا وعان قاتىستى قىلمىستىق قۋدالاۋدى توقتاتۋعا بايلانىستى لاۋازىمدى ادامدارعا پارا بەرۋگە يتەرمەلەگەنى ءۇشىن سوتتالدى"، - دەپ جازىلعان انتيكور مالىمەتىندە.
سوت ۇكىمىمەن وعان مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 4 جىلعا باس بوستاندىعىنان ايىرۋ جازاسى تاعايىندالدى. الدىن الۋ شارالارى اياسىندا پروسەسكە ونلاين رەجيمدە ەڭبەك ينسپەكسياسى باسقارماسىنىڭ قىزمەتكەرلەرى قوسىلدى.
ۇكىم زاڭدى كۇشىنە ەنگەن جوق.
