استاناداعى قازاقستان قارۋلى كٷشتەرٸنٸڭ مەملەكەتتٸك ەسكەري-تاريحي مۇراجايىنىڭ ەكسپوزيتسيياسىنان التى جىل بۇرىن ورناتىلعان ەكس-پرەزيدەنت نۇرسۇلتان نازارباەۆتىڭ بالاۋىز فيگۋراسى جوعالىپ كەتتٸ, - دەپ حابارلايدى Dalanews.kz Tengrinews.kz-كە سٸلتەپ.
بۇعان دەيٸن تۇڭعىش پرەزيدەنتتٸڭ بالاۋىز فيگۋراسى مۇراجاي زالدارىنىڭ بٸرٸندە ٷستەل ٷستٸندە بولعان.
فوتو: Tengrinews.kz
ەندٸ نازارباەۆتىڭ ورنىنا سول ٷستەلدە ارمييا گەنەرالى,كەڭەس جەنە قازاقستاندىق ەسكەري كٶسەم, قازاقستاننىڭ بٸرٸنشٸ قورعانىس مينيسترٸ, كەڭەس وداعىنىڭ باتىرى جەنە قازاقستاننىڭ حالىق باتىرى ساعادات نۇرماعامبەتوۆتٸڭ بالاۋىزدان جاسالعان ەسكەرتكٸشٸ تۇر.
مۋزەيدەگٸلەر Tengrinews.kz تٸلشٸسٸنە ەكس-پرەزيدەنتتٸڭ فيگۋراسى ەكسپوزيتسييادان الىنىپ تاستالعانىن, ەندٸ ول ولاردىڭ قورىندا ەكەنٸن ايتقان. رەسمي تٷسٸنٸكتەمە الۋ ٷشٸن قورعانىس مينيسترلٸگٸنە جٷگٸنۋدٸ سۇراعان.
نازارباەۆتىڭ بالاۋىزدان جاسالعان فيگۋراسى مۋزەيدە 2018 جىلى پايدا بولعان. جۇمىستىڭ اۆتورى-گيپەررەاليست سۋرەتشٸ ايدوس ەسماعامبەتوۆ.
