استانادا جەڭىل رەلستى كولىك جوباسىن ىسكە اسىرۋ جۇمىستارى جالعاسىپ جاتىر. بۇگىنگى كۇنى رەلستىڭ 11 شاقىرىمى توسەلىپ، بەتونمەن نىعايتىلدى. بۇل جەلىنىڭ ەستاكادالىق بولىگىنىڭ جالپى ۇزىندىعىنىڭ 50%-ىن قۇرايدى،- دەپ حابارلايدى Dalanews.kz CTS كومپانياسىنا سىلتەمە جاساپ.
شپال توسەۋ جانە رەلس مونتاجداۋ جۇمىستارى بەكىتىلگەن كەستەگە سايكەس بارلىق ۋچاسكەدە جۇرگىزىلىپ جاتىر. قۇرىلىس جۇمىسى نەگىزگى نىسانداردىڭ – «نۇرلى جول» تەمىرجول ۆوكزالىنىڭ، حالىقارالىق اۋەجايدىڭ، مينيسترلىكتەر ءۇيىنىڭ جانە رەسپۋبليكالىق باس مەشىتتىڭ ماڭىندا جالعاسۋدا.
قازىرگى ۋاقىتتا بارلىق قۇرىلىس جانە ينجەنەرلىك جۇمىس قالىپتى رەجيمدە اتقارىلىپ جاتىر.
سونىمەن قاتار، ستانسيالار ينفراقۇرىلىمى مەن ەلەكترمەن جابدىقتاۋ جۇيەلەرىن دايىنداۋ جۇمىسى ءجۇرىپ جاتىر.
استاناداعى جەڭىل رەلستى كولىكتى سىناقتىق ىسكە قوسۋ 2025 جىلدىڭ قىركۇيەك ايىنا جوسپارلانعان.
