استاناداعى بەلسەندى ۇزاق ءومىر ءسۇرۋ ورتالىعىندا قىركۇيەك ايىنان باستاپ كۇزگى ساۋىقتىرۋ ماۋسىمى اشىلدى، دەپ حابارلايدى Dalanews.kz.
دۇيسەنبى مەن جۇما كۇندەرى ارالىعىندا ساعات 8.00-دەن باستاپ، ساعات 11.30-گە دەيىنگى ۋاقىتتا «جەتىسۋ»، «جەرۇيىق»، پرەزيدەنتتىك، ورتالىق جانە بوتانيكالىق ساياباقتاردا سكانديناۆيالىق سەرۋەننەن تاڭعى ساۋىقتىرۋ جاتتىعۋلارى وتەدى.
ورتالىقتىڭ سپورت نۇسقاۋشىلارى دەمالۋ ساياباقتارىندا زەينەتكەرلەردىڭ قاتىسۋىمەن ساۋىقتىرۋ جاتتىعۋلارىن وتكىزۋدى جوسپارلاپ وتىر. بۇل باستاما قالا تۇرعىندارىنىڭ دەنساۋلىعىن نىعايتۋ جانە سپورتتىق بەلسەندىلىكتى ارتتىرۋ ماقساتىندا ۇيىمداستىرىلادى.
"كۇزگى ساۋىقتىرۋ جاتتىعۋلارىنا قاتىسۋعا نيەت بىلدىرگەن بارلىق قالا زەينەتكەرلەرىن ساۋاتتى ءومىر سالتىن ۇستانۋعا شاقىرامىز. جاتتىعۋعا قاتىسۋ تەگىن. ساۋىقتىرۋ جاتتىعۋلارى قىركۇيەك-قاراشا ايلارىندا كەستەگە سايكەس جالعاساتىن بولادى"، - دەلىنگەن حابارلامادا.
