استانادا اۋا رايىنىڭ جىلىنۋىنا بايلانىستى جىلىتۋ ماۋسىمى اياقتالدى،- دەپ حابارلايدى Dalanews.kz

استانا قالاسى ءماسليحاتىنىڭ شەشىمىمەن بەكىتىلگەن جىلىتۋ ماۋسىمىنا دايىندىق جانە ونى وتكىزۋ قاعيدالارىنا سايكەس، سىرتقى اۋا تەمپەراتۋراسى بەس كۇن قاتارىنان تاۋلىگىنە ورتاشا +10°C جانە ودان جوعارى دەڭگەيدە تۇراقتى ساقتالعان جاعدايدا، جىلىتۋ ماۋسىمىن اياقتاۋ تۋرالى شەشىمدى قالا اكىمدىگى قابىلدايدى.

"اۋا رايىنىڭ قولايلى جاعدايىنا بايلانىستى جانە قولدانىستاعى نورماتيۆتەرگە سايكەس، استانا قالاسى اكىمدىگى 2025 جىلعى 21 ساۋىردە جىلىتۋ ماۋسىمىن اياقتاۋ تۋرالى شەشىم قابىلدادى"، - دەلىنگەن حابارلامادا.

2024-2025 جىلعى جىلىتۋ ماۋسىمى استانا قالاسىندا 2024 جىلعى 24 قىركۇيەكتە باستالىپ، 209 كۇنگە سوزىلدى.