استانادا اۋا رايى جىلىنعان كۇننەن باستاپ جول-قۇرىلىس جۇمىسى قىزۋ ءجۇرىپ جاتىر. وسىعان بايلانىستى كوشەلەردىڭ كەيبىر ۋچاسكەلەرى جوندەۋ كەزىندە ءىشىنارا نەمەسە تولىق جابىلدى، دەپ حابارلايدى Dalanews.kz
ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى جوندەۋ ءجۇرىپ جاتقان جول ۋچاسكەلەرىن كورسەتتى.
تولىعىمەن جابىلعان كوشەلەر:
- 20 ساۋىردەن 20 تامىزعا دەيىن – بۇقار جىراۋ كوشەسىنىڭ تاۋەلسىزدىك داڭعىلىنان ق.قايسەنوۆ كوشەسىنە دەيىنگى ۋچاسكەسىندە (كۆارتالىشىلىك جولدارمەن بالامالى قوزعالىس ۇيىمداستىرىلادى)؛
- 9 ساۋىردەن 30 تامىزعا دەيىن – كۇيشى دينا كوشەسى ميراس مەكتەبىنەن م.جۇمابايەۆ داڭعىلىنا دەيىن؛
- 29 ساۋىردەن 30 تامىزعا دەيىن – ج.مولداعالييەۆ كوشەسى ە-41 كوشەسىنەن ە-32 كوشەسىنە دەيىن (قوزعالىس بالاما كوشەلەر مەن كۆارتالىشىلىك جولدارمەن ۇيىمداستىرىلعان)؛
ءىشىنارا جابىلعان كوشەلەر:
- 11-18 مامىر ارالىعىندا – كۇرشىم كوشەسى بولاشاق كوشەسىنەن جاڭاقونىس كوشەسىنە دەيىن (كولىك قوزعالىسى ەكى باعىتتا دا تاراپتاردىڭ ءبىرى بويىنشا قامتاماسىز ەتىلگەن)؛
- 11-17 مامىر ارالىعىندا – ش.ايتماتوۆ كوشەسى ج.مولداعالييەۆ كوشەسىنەن ۇلى دالا داڭعىلىنا دەيىن (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 10-20 مامىر ارالىعىندا – اركار كوپىرى (م1) (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 9-13 مامىر ارالىعىندا – ابىلاي حان داڭعىلى ماناس كوشەسىنەن ب.مومىش ۇلى داڭعىلىنا دەيىن (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 9-19 مامىر ارالىعىندا – م.جۇمابايەۆ داڭعىلى ب.مومىش ۇلى داڭعىلىنان بالقانتاۋ كوشەسىنە دەيىن (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 8-13 مامىر ارالىعىندا – الاش تاسجولى 191-كوشەدەن 69-كوشەگە دەيىن (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 5-15 مامىر ارالىعىندا – كەنەسارى كوشەسى ءا.سەمبينوۆ كوشەسىنەن ە. برۋسيلوۆسكيي كوشەسىنە دەيىن (كولىك قوزعالىسى ەكى باعىتتا تاراپتاردىڭ ءبىرى بويىنشا قامتاماسىز ەتىلگەن)؛
- 1 مامىردان 1 تامىزعا دەيىن – ش. بەيسەكوۆا كوشەسى مەن ن.تىلەندييەۆ داڭعىلىنىڭ قيىلىسىنداعى كولىك ايىرباسى (قوزعالىس ەكى باعىتتا دا 6 جولاقتى جولمەن ۋاقىتشا ۇيىمداستىرىلعان)؛
- 12-15 مامىر ارالىعىندا – فاحت بەن ابدۋل ازيز جانە س.قوجاحمەتوۆ كوشەلەرى ش.بەيسەكوۆا كوشەسىنەن ك.بايسەيىتوۆا كوشەسىنە دەيىنگى ۋچاسكەدە.
جۇرگىزۋشىلەر مەن جاياۋ جۇرگىنشىلەر قوزعالىس باعىتىن الدىن الا جوسپارلاۋى جانە ىقتيمال وزگەرىستەردى ەسكەرۋى قاجەت. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلدى.
