"استانا-زەلەنستروي" ءجشس-نىڭ بۇرىنعى باس ديرەكتورى جەمقورلىققا قاتىستى قىلمىستار جاسادى دەگەن كۇدىككە ءىلىندى، - دەپ حابارلايدى Dalanews.kz.
استانا قالاسى بويىنشا سىبايلاس جەمقورلىققا قارسى قىزمەت "استانا-زەلەنستروي" ج ش س بۇرىنعى باس ديرەكتورىنا قاتىستى سوتالدى تەرگەۋ جۇرگىزۋدە.
"ول قىلمىستىق ءىستى توقتاتۋ ءۇشىن قۇقىق قورعاۋ ورگاندارىنىڭ لاۋازىمدى ادامدارىنا الاياقتىق جاساۋعا جانە 15 ملن تەڭگە سوماسىندا پارا بەرۋگە يتەرمەلەۋگە وقتالعانى ءۇشىن كۇدىكتى. بۇدان بولەك كوپجىلدىق بۇتالاردى وتىرعىزۋ بويىنشا ورىندالعان جۇمىستاردىڭ قۇنىن ارتتىرۋ جولىمەن ءوزىنىڭ لاۋازىمدىق وكىلەتتىكتەرىن تەرىس پيعىلدا پايدالانعانى ءۇشىن كۇدىكتى"، - دەپ جازىلعان مالىمەتتە.
سوتتىڭ سانكسياسىمەن كۇدىكتى قاماۋعا الىندى. تەرگەۋ جالعاسىپ جاتىر. انتيكور قىلمىستىق-پروسەستىك كودەكستىڭ 201-بابىنا سايكەس وزگە اقپاراتتى جاريا ەتپەدى.
