بۇگىن ق ر پارلامەنتى پالاتالارىنىڭ بىرلەسكەن وتىرىسىندا قارالىپ جاتقان «تاۋەلسىزدىكتىڭ 25 جىلدىعى قازاقستان جەتىستىكتەرىنىڭ دەكلاراسياسى» جوباسىندا ەلباسىنىڭ ەسىمىن ەلوردانىڭ جانە ەلىمىزدىڭ باسقا دا نىساندارىندا كورسەتۋ ۇسىنىلعان.  بۇل تۋرالى جوبانى تانىستىرعان ءماجىلىس دەپۋتاتى قۋانىش سۇلتانوۆ ايتتى، دەپ حابارلايدى قازاقپارات.

«تاۋەلسىزدىكتىڭ ۇلى جولى ماڭگى بولۋى ءتيىس. جوعارىدا جاريالانعانداردى ەسكەرە وتىرىپ، ەلوردادا تاۋەلسىز قازاقستان مونۋمەنتىن تۇرعىزۋ قاجەت. ەل كونستيتۋسياسىندا تۇڭعىش پرەزيدەنت ەلباسى نۇرسۇلتان ءابىش ۇلى نازاربايەۆتىڭ ءبىزدىڭ مەملەكەتىمىزدى قۇرۋداعى بىرەگەي ەڭبەگىن اتاپ ءوتۋدى، ەلباسىنىڭ ەسىمىن ەلوردانىڭ جانە ەلىمىزدىڭ باسقا دا نىساندارىندا كورسەتۋدى ۇسىنامىز»، - دەدى سۇلتانوۆ. ونىڭ اتاپ وتۋىنشە، ءبىزدىڭ تۇتاس ماقساتىمىز - ەلباسى توڭىرەگىنە توپتاسىپ، ەڭ قىمبات قازىنامىز - تاۋەلسىز قازاقستاندى كوزىمىزدىڭ قاراشىعىنداي ساقتاپ، جاڭا  ۇرپاقتارىمىزعا اماناتتاپ، ماڭگىلىك ەل قۇندىلىقتارىن قاستەرلەۋ. «تاۋەلسىزدىك ءبىزدىڭ ەڭ باستى ۇيىستىرۋشى قۇندىلىعىمىز بولعان، ءقازىر دە سولاي جانە بولاشاقتا دا بولا بەرمەك»، - دەدى دەپۋتات.