استانا LRT جشس-نىڭ بۇرىنعى باسقارما ءتوراعاسى تالعات اردانعا قاتىستى ۇكىم شىقتى، - دەپ حابارلايدى Dalanews.kz Tengrinews.kz-كە سىلتەپ.
سوتتالۋشىعا حالىقارالىق ىزدەۋ جاريالانعان، سوندىقتان ونىڭ قاتىسۋىنسىز سىرتتاي قارالدى.
2016 جىلعى 22 جەلتوقساندا LRT جشس-نىڭ بۇرىنعى باسقارما ءتوراعاسى تالعات اردان قىزمەتتىڭ مۇددەلەرىنە قايشى لاۋازىمدىق وكىلەتىن تەرىس پايدالانىپ، ناقتى قاجەتتىلىكسىز LRT قۇرىلىس جوباسى بويىنشا قىتايدىڭ مەملەكەتتىك دامۋ بانكىنەن سىرتقى قارىزدىڭ ءبىرىنشى ترانشى رەتىندە 257،6 ميلليون اقش دوللارىن زاڭسىز سۇراتقان. قاراجات تۇسكەن ساتتەن باستاپ ولار جوبا بويىنشا پايدالانىلماعان.
2018 جىلعى 26 قاراشادا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن بانكتىڭ قىزمەتى ءماجبۇرلى تۇردە توقتاتىلدى. وسىلايشا، بۇل جوبانى ىسكە اسىرۋ بۇزىلدى، قمدب-نەن الىنعان قارىز قاراجاتى جشس-عا قايتارىلمادى جانە اقشالاي قاراجات نىسانالى ماقساتى بويىنشا پايدالانىلماي، City transportation systems جشس-نا 85 ميلليارد تەڭگەدەن استام شىعىن كەلتىرگەندىكتەن، ونىڭ ارەكەتتەرى اۋىر سالدارعا الىپ كەلدى.
سونداي-اق ا. بۇرىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 03.05.2023 جىلعى ۇكىمىمەن اسا ءىرى مولشەرىندە بيۋدجەت قاراجاتىن تالان-تاراجعا سالعانى ءۇشىن (قك 189-بابى 4-بولىگىنىڭ 2-تارماعى) سىرتتاي مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 7 جىلعا باس بوستاندىعىنان ايىرىلدى.
"سوت ۇكىمىمەن اردان قك 361-بابى 4-بولىگىنىڭ 3-تارماعى بويىنشا كىنالى دەپ تانىلىپ، 4 جىل 8 ايعا باس بوستاندىعىنان ايىرىلدى جانە قك 58-بابىنىڭ 6-بولىگى قولدانىلىپ، سوتتىڭ 03.05.2023 جىلعى ۇكىمى بويىنشا تاعايىندالعان جازانى ءىشىنارا قوسۋ ارقىلى تۇپكىلىكتى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 9 جىلعا باس بوستاندىعىنان ايىرۋ جازاسى تاعايىندالدى. سونىمەن قاتار ارداننان City transportation systems جشس-نىڭ پايداسىنا 85 ميلليارد تەڭگەدەن استام ماتەريالدىق شىعىن ءوندىرىلدى"، - دەپ جازىلعان سوتتىڭ باسپا ءسوز قىزمەتى تاراتقان حابارلامادا.
ءىس بويىنشا ج ش س العان مەملەكەتتىك قارىز، شارت بويىنشا باقىلاۋ جۇزەگە اسىرىلماعاندىقتان، ق ر قارجى مينيسترلىگى تاراپىنان لاۋازىمدى تۇلعالاردىڭ نەمقۇرايلى فاكتىسى بويىنشا پروكۋروردىڭ اتىنا جەكەشە قاۋلى شىعارىلدى.
ۇكىم زاڭدى كۇشىنە ەنگەن جوق.
