استانا اكىمى داۋعا قالعان G-park قۇرىلىسىنا قاتىستى مالىمدەمە جاسادى

قاراكوز امانتاي 27 اقپ. 2024 10:19 1174

استانا اكىمدىگى G-park كومپانياسىنىڭ جۇمىسىن ءوز باقىلاۋىنا الدى. بۇل تۋرالى ەلوردا اكىمى جەڭىس قاسىمبەك مالىمدەدى، دەپ حابارلايدى Dalanews.kz.

"قازىرگى تاڭدا قالادا جەر تولىق راسىمدەلمەسە دە، كومپانيا سالىپ جاتقان 12-13 نىسان بار. ءبىز G-park-كە كومەك كورسەتۋدەمىز. ۇلەسكەرلەردى ۇيمەن قامتاماسىز ەتۋ ءۇشىن كومپانيا جۇمىسىن بارىنشا تەزدەتۋگە تىرىسىپ جاتىرمىز. بۇل ىسكە باس سۇقپاۋىمىزعا بولار ەدى. سەبەبى جەردىڭ كوبى زاڭسىز الىنعان. ءتىپتى كەيبىرەۋىنىڭ يەلەرى باسقا"، - دەدى جەڭىس قاسىمبەك.

ونىڭ ايتۋىنشا، اكىمدىك G-park جۇمىسىن ءوز نازارىنا الماسا، ءۇي سالۋ مەرزىمى تاعى بەس جىلعا ۇزاراتىن كورىنەدى. وسى تۇستا اكىم ساياجاي يەلەرىمەن جەر ماسەلەسى بويىنشا كەلىسسوز جۇرگىزىلىپ جاتقانىن دا العا تارتتى. سونىمەن قاتار تۇرعىن ءۇي نىساندارىنىڭ باسىم بولىگى وسى جازدا اياقتالادى دەپ سەندىردى.

"بيىل بارلىق نىساننىڭ 80 پايىزى اياقتالادى دەپ ۇمتىتەنەمىز. ولار 12 تۇرعىن ءۇيدى بىتىرمەي، جاڭا قۇرىلىس سالۋعا رۇقسات المايدى. ءاربىر ءۇيدىڭ قۇرىلىسى ەرەكشە باقىلاۋدا"، - دەپ ءسوزىن تۇيىندەدى اكىم.

ەسكە سالايىق، 2023 جىلدىڭ 4 ساۋىرىندە سوت G-park سالعان Dublin تۇرعىن ءۇي كەشەنىن كۇرەلتەتىنى تۋرالى شەشىم شىعارعان بولاتىن. ويتكەنى ءۇي قۇرىلىسى زاڭسىز جۇرگىزىلگەن. تۇرعىن ءۇي كەشەنى ورنىققان جەرگە جىلۋ تراسساسى سالىنباق بولعان. سونىمەن قاتار سوت ۆاشينگتون تۇرعىن ءۇي كەشەنىن كۇرەلتۋگە دە بۇيرىق بەرگەن ەدى. الايدا كەيىنىرەك اكىمدىك اتالمىش تۇرعىن ءۇي كەشەنىندەگى پاتەرلەردى ساتىپ الۋشىلار باسپاناسىن الادى دەپ مالىمدەمە جاساعان بولاتىن. 


ۇسىنىلعان
سوڭعى جاڭالىقتار