دەسە دە، قازىرگى گەوساياسي جاعدايدى ەسەپكە الساق، مۇنداي مالىمدەمەلەر ەكى ەلدىڭ اراسىنا سىزات تۇسىرەتىنى جاسىرىن ەمەس. قازاقستان بيلىگى رەسەيلىك ساراپشىلاردىڭ تاراپىنان ايتىلاتىن ايىپتاۋلارعا لەزدە جاۋاپ قاتىپ، ارانداتۋدىڭ الدىن-الۋدا.
بۇل تۇرعىدا اسسامبلەيانىڭ بەلسەندىلىگى قانداي؟ اسسامبلەيا شەتەلدىك ساياساتكەرلەردىڭ ارانداتۋىنا قالاي جاۋاپ قاتادى؟ ۇيىم ءتوراعاسى مارات ءازىلحانوۆتىڭ ايتۋىنشا ۇيىم قاتارىنداعى ماماندار مۇنداي ايىپتاۋلاردىڭ قاۋەسەتكە ۇلاسىپ كەتپەۋىنە ءبىرىنشى كەزەكتە ءمان بەرەدى.
«الگىندەي مالىمدەمەلەرگە ءجىتى تالداۋ جۇرگىزەمىز. جالپى كورشى ەلدەردىڭ ساياسي كەڭىستىكتە جۇرگەن تۇلعالارى اۋىزدان شىققان سوزگە اباي بولعانى ءجون. قازاقستان ەشكىمگە سوقتىقپاي، بەيتاراپ جاتقان ەل. سوندىقتان مۇنداي ايىپتاۋلار شىندىققا جاناسپايتىنىن اسسامبلەيا مۇشەلەرى دە كورىپ ءبىلىپ وتىر.
ەلىمىزدەگى ۇلتارالىق احۋالدى ۋشىقتىرعىسى كەلەتىن ارام پيعىلدى، جات كوزقاراستى كونتەنتتى اۋىزدىقتاۋ مەملەكەتتىك دەڭگەيدە ءجۇرۋى ءتيىس. سونىمەن بىرگە، وداقتاس ەلدەر رەتىندە بىزگە رەسەي قوعامىندا پىكىر قالىپتاستىرىپ وتىرعان تۇلعالارمەن ءجيى جۇزدەسۋ كەرەك.
ولارعا ەلدەگى جاعدايدان حابار بەرىپ، قازاقستاندا ەشبىر ەتنوس وكىلدەرىنىڭ قيىنشىلىققا ۇشىراماي، بەيبىت ءومىر ءسۇرىپ جاتقانىن كورسەتۋگە ءتيىسپىز. رەسەيلىك ساياساتكەرلەردىڭ كوپشىلىگى قازاقستانداعى جاعدايدان حابارسىز. شىن-وتىرىگى ارالاس اقپاراتتان وقىعان مالىمەتتى نازارعا الىپ، الگىندەي ايىپتاۋعا جول بەرىپ قويادى. سوندىقتان ديالوگتان قاشپاۋ قاجەت»، – دەيدى مارات ءازىلحانوۆ.
...
ونىڭ اتاپ وتكەنىندەي بۇگىنگى تاڭدا اسسامبلەيا جۇمىسىن جاڭا قازاقستاننىڭ تالاپ-ۇدەسىنە بەيىمدەۋ ماڭىزدى ماسەلە. پرەزيدەنت توقايەۆتىڭ توراعالىعىمەن وتكەن كۇنى كەشەگى اسسامبلەيا كەڭەسىندە مەملەكەت باسشىسى تاراپىنان ۇيىم جۇمىسىن جەتىلدىرۋگە قاتىستى 37 تاپسىرما بەرىلگەن.
«اسسامبلەيا مۇشەلەرى جاڭا قازاقستاننىڭ قابىرعاسىن قالاۋعا ءازىر. ءيا، تۇڭعىش پرەزيدەنت ىرگەسىن قالاعان ۇستانىمدار قاز-قالپىندا قالادى، دەسە دە جاڭا قازاقستان جاڭاشا ويلاۋدى تالاپ ەتەدى. سوندىقتان دا بۇگىنگى تاڭدا اسسامبلەيانىڭ اقپاراتتىق جۇمىسىن مىقتاپ قولعا الدىق. ەڭ الدىمەن الەۋمەتتىك جەلىدەگى جۇمىسىمىزدى جۇيەلەۋدەمىز. جاڭا اقپاراتتىق تەحنولوگيالارعا ارقا سۇيەۋىمىز كەرەك. حالىق ۇيىمنىڭ اتقارىپ جاتقان جۇمىسىنان ۇنەمى حابار الىپ وتىرۋعا ءتيىس»، – دەيدى اسسامبلەيا ءتوراعاسىنىڭ ورىنباسارى.
...
ءازىلحانوۆتىڭ ايتۋىنشا قاڭتار وقيعاسى اسسامبلەيا قاتارىنداعى كاسىپكەرلەرگە وي سالعان. ولار قاراپايىم حالىققا بۇرىنعىدان بەتەر قول ۇشىن سوزۋعا ءازىر وتىر.
ايتا كەتەلىك، بۇعان دەيىن اسسامبلەيا مۇشەسى، قوستانايداعى كارىس ەتنومادەني ورتالىعىنىڭ ديرەكتورى، مەسەنات ا.كيم كوپ بالالى تولەگەنوۆتار وتباسىنا ءۇي سالۋعا قاجەتتى قارجى بەرگەن ەدى.
«جالپى اسسامبلەيامەن ەتەنە جۇمىس ىستەيتىن كاسىپكەرلەر جاقسىلىق جاساعانىن جارنامالاي بەرمەيدى. بۇل باعىتتا ۇيىم اۋقىمدى ءىس اتقاردى.
ايتالىق، بىلتىرعى جىلى اسسامبلەياعا مۇشە كاسىپكەرلەردىڭ كومەگىمەن 3400 قايىرىمدىلىق اكسياسى ءوتتى. 16 مىڭ وتباسىعا نەمەسە 90 مىڭنان اسا الەۋمەتتىك جاعدايى تومەن ازاماتقا قولداۋ كورسەتىلدى.
پاندەميانىڭ ءورشىپ تۇرعان شاعىندا اسسامبلەيا قاتارىنداعى شاعىن جانە ورتا بيزنەس وكىلدەرى 300 مىڭ ادامعا كومەك كورسەتتى. كومەكتىڭ سوماسى 270 ملن تەڭگەدەن اسىپ جىعىلدى. ەل باسىنا كۇن تۋعاندا اسسامبلەيا مۇشەلەرى ءاردايىم كومەككە كەلۋگە ءازىر دەيدى»، – دەيدى ءازىلحانوۆ.
