Reuters اگەنتتىگىنىڭ مالىمەتىنە قاراعاندا، انكارا اسكەري وپەراسيا تۋرالى قارسى پىكىر بىلدىرگەندەردى، ونىڭ ىشىندە كۇرد دەپۋتاتتارىن تەرگەۋگە الا باستاعان.
9 قازاندا تۇركيا سيريانىڭ سولتۇستىگىندەگى كۇردتەرگە قارسى اسكەري وپەراسيا باستاعان.
تۇركيانىڭ بۇل ارەكەتىن اقش، ەۋروپا وداعى جانە اراب ەلدەرى ايىپتاپ جاتىر.
سيريانىڭ ادام قۇقىقتارىن باقىلاۋ ورتالىعى تۇركيا اسكەري وپەراسيا باستاعالى بەرى كەمىندە 70 بەيبىت تۇرعىننىڭ قازا بولعانىن، ولاردىڭ اراسىندا 21 بالا بار ەكەنىن مالىمدەدى. ۇيىم مالىمەتىنە قاراعاندا، 300 مىڭعا جاقىن ادام ۇيلەرىن تاستاپ كەتۋگە ءماجبۇر بولعان.
