ا.شىنىبەكوۆ: "اۋدانىمىزدا قۇرىلىس قارقىن الۋدا"

Dalanews 10 قاز. 2017 15:32 385

بۇگىن بقو وڭىرلىك كوممۋنيكاسيالار قىزمەتى الاڭىندا كازتالوۆ اۋدانى اكىمى ا.شىنىبەكوۆتىڭ قاتىسۋىمەن «اۋداننىڭ الەۋمەتتىك-ەكونوميكالىق دامۋى» تاقىرىبىندا كەزەكتى بريفينگ ءوتتى.

ا.شىنىبەكوۆتىڭ ايتۋىنشا 2017 جىلعا ارنالعان اۋدان بيۋدجەتى 7 ملرد 242 ملن. تەڭگەگە جەتتى، سونىڭ ىشىندە ءوز كىرىسىمىز 773 ملن. تەڭگە.

2017 جىلدىڭ 9 ايىنداعى كورسەتكىش بويىنشا اۋىل شارۋاشىلىعىمەن اينالىساتىن 26 زاڭدى تۇلعا، 590 شارۋا قوجالىقتارى تىركەلگەن. ەسەپتى مەرزىمگە  شارۋاشىلىقتاردىڭ بارلىق ساناتتارىنداعى ءىرى قارا مالى 81939 باستى قۇراسا، قوي مەن ەشكى 294305 باس، جىلقى 23817 باس، تۇيە 188 باسقا جەتتى. وتكەن جىلدىڭ سايكەستى كەزەڭىمەن سالىستىرعاندا اۋىلشارۋاشىلىق ونىمدەرىنىڭ بارلىق تۇرلەرى بويىنشا ءوسىم بايقالادى. (ەت – 101،9%، ءسۇت – 101،7%، ءجۇن – 107،4%، جۇمىرتقا – 101،8%).

اعىمداعى جىلى «سىباعا»، «التىن اسىق»، «قۇلان» باعدارلامالارى بويىنشا 12 شارۋاشىلىق 129 ملن.630 مىڭ نەسيە الۋعا قول جەتكىزدى. وسى قاراجاتقا 16 باس وندىرگىش بۇقا،  492 باس ءىرى قارا انالىعى،  400 باس قوي ساۋلىق، 3 باس ايعىر، 80 باس بايتال ساتىپ الىندى.

«بەرەكە» نەسيەلىك باعدارلاماسى اياسىندا اعىمداعى جىلى ءمۇيىزدى ءىرى قارا مالىن بورداقىلاۋمەن اينالىساتىن 3 اۋىلشارۋاشىلىق وندىرىستىك كووپەراتيۆتەرى (اوك) جاڭادان قۇرىلدى. بۇگىنگى كۇنگە اۋدان بويىنشا ەسەپتە تۇرعان 21 اۋىلشارۋاشىلىق كووپەراتيۆىنىڭ قۇرامىنا 1468 تۇرعىن مۇشەلىككە ەنگەن.

سونىمەن قاتار، «ىنتىماق» نەسيەلىك باعدارلاماسى بويىنشا «جالپاقتال» اوك (ءتوراعاسى د.دوگوروۆ) - جالپاقتال اۋىلىندا، «شىعاناق» اوك  (ءتوراعاسى– ج.اكسالوۆ) - كازتالوۆ اۋىلىندا قۋاتتىلىعى - تاۋلىگىنە 10-15 باس سوياتىن توڭازىتقىش كولىگىمەن قامتىلاتىن مال سويۋ پۋنكتىن سالۋ ءۇشىن  جۇمىستانۋدا. «يگىلىك» باعدارلاماسى بويىنشا 22 جەكە تۇلعا 92 ملن. 200 مىڭ تەڭگە نەسيە الۋعا قول جەتكىزدى. بيىلعى جىلى اۋدان بويىنشا بارلىعى 30 تراكتور، 14 ءتۇرلى اۋىل شارۋاشىلىعى تەحنيكالارى ساتىپ الىندى، سونىڭ ىشىندە شارۋا قوجالىقتارى 11 تراكتور جانە 10 ءتۇرلى اۋىل شارۋاشىلىعى تەحنيكالارىن ليزينگ ارقىلى الىپ، وزدەرىنىڭ ماشينا-تراكتور پاركىن جاڭارتۋعا قول جەتكىزدى.

اۋدان اۋماعىنداعى كولدەتىپ جانە جۇيەلى سۋارمالى جەر كولەمى 68411 گا قۇرايدى. جۇلدىز اۋىلى تۇسىنداعى كىشى وزەندە ورنالاسقان «جۇلدىز پلوتينا» قۇرىلىسىن قالپىنا كەلتىرۋگە جوبالىق-سمەتالىق قۇجاتتاما دايىنداۋ ءۇشىن 2018 جىلعا وبلىستىق بيۋدجەتتەن 6، 550 ملن. تەڭگە قاراجات ءبولۋ جوسپارلانىپ وتىر.

رەسەي فەدەراسياسىنان كەلەتىن سۋدى ۇستاۋ جانە تاسقىن سۋدى ءقاۋىپسىز وتكىزۋ ءۇشىن كازتالوۆ اۋىلدىق وكرۋگىنە قاراستى سەكسەنباي اۋىلى تۇسىنداعى كىشى وزەننەن سۋ قويماسىن سالۋ جوسپارلانۋدا. قازىرگى ۋاقىتتا «قازسۋشار» اق ارقىلى 2018 جىلدىڭ بيۋدجەتىنەن 4، 800 ملن. تەڭگەگە جوبالىق-سمەتالىق قۇجاتتاما دايىنداۋ كوزدەلۋدە. رەسپۋبليكالىق بيۋدجەتتەن قارجىلاندىرىلعان اۋدان اۋماعى ارقىلى وتەتىن «كيروۆ-شەجىن» سۋ ارناسىن قايتا قۇرۋ جۇمىستارىنا 1 ملرد.100 ملن. تەڭگە ءبولىنىپ، قۇرىلىس جۇمىستارى جۇرگىزىلۋدە. وسى جۇمىستاردى اياقتاۋ ءۇشىن قوسىمشا 500 ملن. تەڭگە قاراجات ءبولىندى.

اۋدان ەكونوميكاسىنىڭ نەگىزگى كورسەتكىشى – كاسىپكەرلىك سالاسىندا دا اۋقىمدى جۇمىستار اتقارىلۋدا. اۋداندا كۇنى بۇگىنگە شاعىن بيزنەسپەن اينالىساتىن 1298 جەكە تۇلعا بولسا، 3825 ادام جەرگىلىكتى كاسىپكەرلىك نىساندارى ارقىلى ءناپاقاسىن تابۋدا. جىل باسىنان بەرى بيۋدجەتكە جەكە كاسىپكەرلەردەن تۇسكەن ءتۇسىم 36،768 ملن. تەنگەنى قۇرادى.

نەگىزگى كۇنكورىسى مال شارۋاشىلىعى سانالاتىن قازتالوۆتا 23 ادام جۇمىس جاسايتىن 4 شاعىن سەح جۇمىس جاسايدى. «قازتالوۆ» نەسيە سەرىكتەستىگى ارقىلى 15 ادام كاسىبىن اشۋعا 74،7 ملن. تەڭگە، 26 كاسىپكەر اۋىلشارۋاشىلىعىن دامىتۋعا 121،6 ملن. تەڭگە كولەمىندە نەسيەگە قول جەتكىزدى. سونداي-اق، بيىل «جول كارتاسى-2020» باعدارلاماسى اياسىندا «بايجۇماشيەۆ» جەكە كاسىپكەرلىگىنىڭ جوباسى 2  ملن. تەڭگە نەسيە گرانتىن جەڭىپ الدى.

ەسەپتى مەرزىمدە ەكونوميكانىڭ بارلىق سالالارىندا 762 جاڭا جۇمىس ورىندارى قۇرىلدى. جۇمىسپەن قامتۋ قىزمەتى ارقىلى 488 ادام جۇمىسقا ورنالاسىپ، بىلتىرعى كەزەڭمەن سالىستىرعاندا 88 ادامعا كوبەيىپ وتىر. قارجىلاندىرۋدىڭ بارلىق كوزدەرىنەن 2811 وتباسىعا  102 53،4 مىڭ تەڭگە كولەمىندە الەۋمەتتىك كومەك كورسەتىلدى.

«ورلەۋ» جوباسى  بويىنشا 63 وتباسىنا  13921،0 مىڭ تەڭگە تاعايىندالىپ، 32 باس ءىرى قارا،  253 باس قوي-ەشكى، 1 باس جىلقى مالىمەن قامتاماسىز ەتىلدى.

«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسىنىڭ ءبىرىنشى باعىتى تەحنيكالىق جانە كاسىپتىك بىلىممەن جانە قىسقا مەرزىمدى وقۋمەن قامتاماسىز ەتۋ اياسىندا اعىمداعى جىلعا 210 ادامدى وقىتۋ جوسپارلانىپ، 2017 جىلدىڭ 1 قازانىنداعى كورسەتكىش بويىنشا 213 ادام قىسقا مەرزىمدى وقۋعا جولداندى.

سونداي-اق، باعدارلامانىڭ  ەكىنشى باعىتى جاپپاي كاسىپكەرلىكتى دامىتۋ اياسىندا «بيزنەس باستاۋ» جوباسى بويىنشا 128 ادام كاسىپكەرلىك نەگىزدەرىنە وقىپ سەرتيفيكاتتارىن السا، 39 ادام 166،9 ملن. تەڭگە نەسيەگە قول جەتكىزدى.

وسى باعدارلامانىڭ ءۇشىنشى باعىتى اياسىندا «جاستار پراكتيكاسىنا» 86 جاس مامان، الەۋمەتتىك جۇمىس ورىندارىنا 59 ادام جۇمىسقا جولداندى.

سونىمەن قاتار مەملەكەتتىك باعدارلامالار اياسىندا 10 (كازتالوۆ، جالپاقتال، تالدىاپان، اقپاتەر، جاڭاجول، بوستاندىق جانە قايىڭدى اۋىلدىق وكرۋگتەرىندە اۋىز سۋمەن جابدىقتاۋ جۇيەسىن قايتا قۇرۋ، قايىڭدى فاپ، ەرتەگى بالاباقشاسى جانە ع.بەگالييەۆ اتىنداعى ورتا مەكتەپ) جوبا  بويىنشا 246 جاڭا جۇمىس ورىندارى اشىلىپ، جەرگىلىكتى جەردەن 58 ادام جۇمىسپەن قامتىلدى.

بيىلعى ءبىلىم بيۋدجەتى 3 ملرد. 715 ملن. 126 مىڭ تەڭگەنى قۇراپ وتىر. بۇل قارجى اۋدان بيۋدجەتىنىڭ 51،3 پايىزىن قۇرايدى. جالپاقتال اۋىلىنداعى 140 ورىندىق «ەرتەگى» بوبەكجايىنا كۇردەلى جوندەۋ جۇمىسىنا وبلىستىق بيۋدجەتتەن 93،676 ملن.تەڭگە جانە قوشانكول اۋىلىنداعى 464 ورىندىق ع.بەعالييەۆ اتىنداعى ورتا مەكتەبىنە كۇردەلى جوندەۋ جۇمىسىنا 167،581 ملن. تەڭگە ءبولىندى. 2017 جىلدىڭ مامىر  ايىندا اۋداندىق بيۋدجەتتەن 21،280 ملن. تەڭگەگە قاراوبا، بولاشاق، قاراوزەن، كوكتەرەك اۋىلىنداعى ءبىلىم بەرۋ ۇيىمدارىنا ءتورت ۋاز اۆتوكولىگى ساتىپ الىندى. س.ەسەتوۆ اتىنداعى ورتا مەكتەپتىڭ كۇردەلى جوندەۋ جۇمىسىنا جسق جاساتۋعا جەرگىلىكتى بيۋدجەتتەن 5 ملن. تەڭگە ءبولىندى.

اۋدانعا 2 انەستەزيولوگ، 6 جالپى تاجىريبە دارىگەرى، ناركولوگ، رەنتگەنولوگ، لور جانە رەانيماتولوگ ماماندارى جەتىسپەيدى. بيىلعى جىلى دەنساۋلىق سالاسىنا 41،7 ملن. تەڭگەگە مەديسينالىق اپپاراتتار ساتىپ الىندى.

"اقبۇلاق" باعدارلاماسى بويىنشا 2 318،4 ملرد. تەڭگەنى قۇرايتىن جۇمىستار 13 ەلدىمەكەندە ىسكە اسۋدا. «اق بۇلاق» باعدارلاماسىمەن 13 اۋىلعا سۋ كىرگىزىلسە، اۋداننىڭ 63 پايىزى اۋىز سۋمەن قامتىلماق.

– سوڭعى كەزدە اۋداندا قۇرىلىس قارقىن الدى. بيىل اۋدان ورتالىعىنداعى 100 ورىندىق جاتاقحانا پايدالانۋعا بەرىلسە، اۋدان ورتالىعىنان 22 كوممۋنالدىق تۇرعىن ءۇي سالىنۋدا. بۇدان بولەك قازتالوۆ اۋىلىندا 900 ورىندىق مەكتەپ قۇرىلىسى (22،368 ملن. تەڭگە)، سارىقۇدىق اۋىلىندا 60 ورىندىق مەكتەپ قۇرىلىسى (14،441ملن. تەڭگە)، قازتالوۆ  اۋىلىندا 2 قاباتتى 12 پاتەرلى  ءۇش تۇرعىن ءۇي سالۋ (4،427ملن. تەڭگە)، جالپاقتال  اۋىلىندا 2 قاباتتى 12 پاتەرلى  ءۇش تۇرعىن ءۇي سالۋعا (3،150 ملن. تەڭگە)، قازتالوۆ اۋىلىندا 12 پاتەرلى 2 قاباتتى تۇرعىن ۇيگە ينجەنەرلىك-كوممۋنيكاسيالىق جەلىلەر (1،098 ملن. تەڭگە)، جالپاقتال، قازتالوۆ اۋىلدارىنداعى 61(1،176 ملن. تەڭگە) جانە 85 (2،000 ملن. تەڭگە) جەر تەلىمدەرىنە ينجەنەرلىك-كوممۋنيكاسيالىق جەلىلەر، قازتالوۆ  اۋىلىنا لەكەر ءبىرىنشى سۋ كوتەرگىش ستانسياسىنان سۋ قۇبىرىن تارتۋ (4،400 ملن. تەڭگە)، كوكتەرەك(4،600 ملن. تەڭگە)، قاراسۋ (4،200 ملن. تەڭگە) اۋىلدارىن سۋمەن جابدىقتاۋ، كىشكەنەشال، تالدىقۇدىق، كىشىتالدىقۇدىق، بەيىستەرەك اۋىلدارىن گازبەن قامتۋ (10،650 ملن. تەڭگە)، كومەكشى، كوكتەرەك، ورازعالي جانە جۇلدىز اۋىلدارىن گازبەن قامتۋ (15،008 ملن. تەڭگە)، سەرىك، سارىقۇدىق، قايشاقۇدىق، تالدىاپان جانە قوسوبا اۋىلدارىن گازبەن قامتۋ(11،799 ملن. تەڭگە)، جۇمىستارىنىڭ جوبالاۋ-سمەتالىق قۇجاتتارى ازىرلەنۋدە، – دەدى ا.شىنىبەكوۆ.

ۇسىنىلعان
سوڭعى جاڭالىقتار