تانىمال تەلەجۋرناليست دانا نۇرجىگىت قازاق مۋزىكاسىنىڭ قانداي دەڭگەيگە دەيىن كوتەرىلە الاتىنىن كورسەتكەن ديماشقا العىس ايتتى. ول ساناسى بار ارتىستەردىڭ ديماشتان ۇلگى الاتىنىنا سەنىمدى ەكەنىن مالىمدەدى. بۇل ويىمەن دانا نۇرجىگىت “قازاقستان” ۇلتتىق ارناسىنىڭ “پاراسات مايدانى” باعدارلاماسىندا ءبولىستى.

– ءار ساحناعا، جالپى مىنبەگە شىققان ادام، مەن شىقتىم ەكەن، ءبىر كورىنىپ جۇلدىز بولدىم ەكەن دەپ ەمەس… ول – ۇلكەن جاۋاپكەرشىلىك. سەن سونىڭمەن ەلگە ۇلگىسىڭ. ءتىپتى، Ninety one توبىن الايىقشى. ءيا، بۇلارعا ەلىكتەپ، شاشىن بوياپ، شالبار ەمەس، تريكو كيىپ شىعاتىن جىگىتتەر بولادى. ءبىراق ونىڭ ءوزى جاسىنا ساي. ەگەر ولار 50-دە ءدال وسىنداي يميدجبەن شىعاتىن بولسا، مەن تۇسىنبەس ەدىم. چەرچيلل ايتادى عوي: «ادام 15 جاسىندا الەمدى وزگەرتەمىن دەپ كەلسە، ونى تۇسىنۋگە بولادى. ال 60 جاسىندا الەمدى وزگەرتەمىن دەيتىن بولسا، ول اقىماق، – دەيدى.

ديماش كەشەگى… ديماش ونەر كورسەتكەننەن كەيىن كوپ ارتىستەر ويلانىپ قالدى دەپ ويلايمىن. ساناسى بولسا… ءارتىس دەگەن وسىلاي ءجۇرۋ كەرەك، ءارتىس دەگەن ءاندى وسىلاي شىرقاۋ كەرەك. ءارتىس دەگەن بۇكىل الەمگە قازاقتىڭ اتىن، مەملەكەتىنىڭ اتىن ءدال وسىلاي تانىتۋ كەرەك جانە وسىنداي دەڭگەيدەگى مۋزىكا سىيلاۋ كەرەك دەگەندى قايتارعان ديماشقا راحمەت ايتۋىمىز كەرەك”، – دەپ پىكىر ءبىلدىردى دانا نۇرجىگىت.

 

دەرەككوزى: stan.kz