ارمەنيالىق كولىكتى ۋاقىتشا تىركەۋ ءۇشىن بەرىلگەن ۋاقىتتىڭ (2021 جىلعى 1 ناۋرىزعا دەيىن) اياقتالۋىنا ءبىر ايدان ءسال اساتىن ۋاقىت قالدى. الايدا نۇر-سۇلتان مەن ەريەۆان قاي ەل كولىك يەلەرىن سالىقتان بوساتاتىنىن ءالى شەشكەن جوق. بۇل كولىكتەر قازاقستان اۋماعىندا جۇرگەندىكتەن، ۇسىنىس ارمەنيا تاراپىنا جاسالعان، دەپ حابارلايدى Dalanews.kz kolesa.kz-كە سىلتەمە جاساپ.

ءبىز ارمەنيا تاراپىنا ەكى رەت جۇگىندىك، ءبىراق ولار جاۋاپ بەرمەدى. باستاپقىدا كەلىسسوز كەزىندە ارمەنيا پرەمەر-مينيسترى وسى ماسەلەنى رەتتەۋگە اۋىزشا ءسوز بەرگەن ەدى. ءبىراق ازىربايجانمەن بولعان جانجال سالدارىنان ءىس ۇزاققا سوزىلىپ كەتتى. ءقازىر ءبىز ولار وڭ جاۋاپ بەرەدى دەپ كۇتىپ وتىرمىز، — دەدى ق ر قم مەملەكەتتىك كىرىستەر كوميتەتىنىڭ ماماندارى.

ولاردىڭ سوزىنشە، ماسەلە ءالى شەشىلمەدى، سوندىقتان سارى ءنومىرلى ارمەنيالىق كولىك ءمىنىپ جۇرگەن ەل ازاماتتارىنىڭ ەكى ەلگە سالىق تولەۋىنە تۋرا كەلەدى.

ەسكە سالا كەتەيىك، وداقتاس ەلدەن كەلگەن ماشينالاردى قازاقستاندا ۋاقىتشا تىركەۋ 2020 جىلى 1 ماۋسىمدا باستالدى. شەتەلدىك كولىك يەلەرى تەمىر تۇلپارىن 2021 جىلعى 1 ناۋرىزعا دەيىن تىركەۋى ءتيىس.