مەكتەپ قابىرعاسىنان تۇلەپ ۇشقان جاس تالاپكەر ءۇشىن ءومىرىنىڭ جاڭا ءبىر كەزەڭى اشىلادى. بۇل كەزەڭ - قىزىققا تولى ءتاتتى شاق “ستۋدەنتتىك ءومىر”. تالابى مەن قالاۋىنا سۇيەنىپ ماماندىق تاڭداعان تالاپكەر  جوعارى وقۋ ورنىنا تۇسەدى. كەشەگى مەكتەپتەگى وقۋشى ەندىگى كەزەكتە ستۋدەنت اتانادى. مىنە، ءدال وسى ستۋدەنتتىك شاقتى كوڭىلدى، ءارى بولاشاق ءۇشىن پايدالى ەتىپ وتكىزۋ ءۇشىن جانە جان جاقتى تۇلعا بولىپ قالىپتاسۋ ءۇشىن جوعارى وقۋ ورنىنىڭ قوسار ۇلەسى زور.

جوعارى وقۋ ورنى ستۋدەنتتى بەلگىلى ءبىر ماماندىق يەسى، قازىرگى زامانعى قوعامدا ءوز ورنىن تابا الاتىن جەكە تۇلعا جانە الداعى جاۋاپكەرشىلىك پەن قيىنشىلىقتارعا تولى ومىرگە بەيىم ادام ەتىپ قالىپتاستىراتىن تاربيە وشاعى بولىپ تابىلادى. سوندىقتان، جوعارى وقۋ ورنىن تاڭداعان كەزدە وتە مۇقيات بولۋ قاجەت. مەنىڭ ومىرىمدە دە ءدال وسىنداي ماڭىزدى تاڭداۋ قاجەتتىگى تۋعان ەدى. مەنىڭ تاڭداۋىم – ءال-فارابي اتىنداعى قازاق ۇلتتىق ۋنيۆەرسيتەتى بولدى. قازىرگى تاڭدا مەن وسى كيەلى ءبىلىم ورداسىنىڭ ستۋدەنتىمىن جانە وسى تاڭداۋىما ەشبىر وكىنبەيمىن.

ءال-فارابي اتىنداعى قازاق ۇلتتىق ۋنيۆەرسيتەتى سەكسەن جىلدان استام تاريحى بار، بىلىكتى پروفەسسورلار مەن ۇستازدار ۇجىمى قىزمەت ەتەتىن، شەتەلدىك ۋنيۆەرسيتەتتەرمەن تەڭ دارەجەلى سەرىكتەستىككە يە، قازاقستاننىڭ تۇكپىر-تۇكپىرىنەن ءبىلىم نارىمەن سۋسىنداۋ ءۇشىن كەلگەن ەڭ ءبىلىمدى، ەڭ دارىندى، وزات ستۋدەنتتەردىڭ ورداسى. ۋنيۆەرسيتەت قابىرعالارىندا ستۋدەنتتەرگە ساپالى ءبىلىم بەرىلەدى، سونداي-اق سۋدەنتتەرگە وزدەرىنىڭ تابيعي دارىنى مەن قابىلەتتەرىن شىڭداۋ ءۇشىن الۋان ءتۇرلى مۇمكىندىكتەر بار. وسىنداي ماقساتتا، ۋنيۆەرسيتەتتە كوپتەگەن ستۋدەنتتىك ۇيىمداردىڭ باسىن قوساتىن جاستار ۇيىمدارىنىڭ كوميتەتى جۇمىس ىستەيدى. مۇندا ءاربىر ستۋدەنت ءارتۇرلى ۇيىمداردىڭ جۇمىسىمەن جانە ماقساتىمەن تانىس بولىپ ءوزىنىڭ جانىنا جاقىن ۇيىمعا مۇشە بولا الادى. ۋنيۆەرسيتەت تاراپىنان دا ستۋدەنتتەرگە كوپتەگەن جاعدايلار جاسالعان. مۇنىڭ بىردەن ءبىر كورىنىسى - الماتىنىڭ تاۋ بوكتەرىندەگى ستۋدەنتتىك قالاشىق. ءقازۇۋ-نىڭ  ستۋدەنتتىك قالاشىعىن ونىڭ كولەمى مەن ماسشتابىن ەسكەرسەك “قالا ىشىندەگى قالاشىق” دەپ اتاساق تا بولادى. مۇندا ستۋدەنتتەر سارايى، وقۋ كورپۋستارى، زاماناۋي كىتاپحانا، وقۋ كورپۋستارى، جاتاقحانا بلوگى جانە ستۋدەنتتەرگە قىزمەت كورسەتۋ ورتالىعى “كەرەمەت” ورنالاسقان. سونىمەن قاتار، ستۋدەنتتەرگە قىزمەت كورسەتۋ ورتالىعىنىڭ ءبىرىنشى قاباتى ستۋدەنتتەردىڭ قاجەتتەرىن قامتاماسىز ەتۋ ءۇشىن مەديسينالىق ورتالىق، كينوتەاتر، سۋپەرماركەت، ءدارىحانا، ءتىپتى كىر جۋۋ بلوگتارىمەن جابدىقتالعان. ستۋدەنتتەرگە قويىلاتىن تالاپ قازۇۋ ستۋدەنتىنىڭ كودەكسىنە سايكەس ابىرويلى ستۋدەنت اتاعىنا كىر كەلتىرمەي ءبىلىم نارىمەن سۋسىنداۋ...ءسوز سوڭىندا، قازۇۋ-دە شىنىمەن دە بارلىق ارماندار جۇزەگە اسادى دەگىمىز كەلەدى.

ن. شارىپقازى، قازۇۋ شىعىستانۋ فاكۋلتەتىنىڭ وقىتۋشىسى