Armandar oryndalatyn bilim ordasy
Joǵary oqý orny stýdentti belgili bir mamandyq iesi, qazirgi zamanǵy qoǵamda óz ornyn taba alatyn jeke tulǵa jáne aldaǵy jaýapkershilik pen qiynshylyqtarǵa toly ómirge beiim adam etip qalyptastyratyn tárbie oshaǵy bolyp tabylady. Sondyqtan, joǵary oqý ornyn tańdaǵan kezde óte muqiiat bolý qajet. Meniń ómirimde de dál osyndai mańyzdy tańdaý qajettigi týǵan edi. Meniń tańdaýym – Ál-Farabi atyndaǵy Qazaq Ulttyq Ýniversiteti boldy. Qazirgi tańda men osy kieli bilim ordasynyń stýdentimin jáne osy tańdaýyma eshbir ókinbeimin.
Ál-Farabi atyndaǵy Qazaq Ulttyq Ýniversiteti seksen jyldan astam tarihy bar, bilikti professorlar men ustazdar ujymy qyzmet etetin, sheteldik ýniversitettermen teń dárejeli seriktestikke ie, Qazaqstannyń túkpir-túkpirinen bilim nárimen sýsyndaý úshin kelgen eń bilimdi, eń daryndy, ozat stýdentterdiń ordasy. Ýniversitet qabyrǵalarynda stýdentterge sapaly bilim beriledi, sondai-aq sýdentterge ózderiniń tabiǵi daryny men qabiletterin shyńdaý úshin alýan túrli múmkindikter bar. Osyndai maqsatta, ýniversitette kóptegen stýdenttik uiymdardyń basyn qosatyn Jastar Uiymdarynyń Komiteti jumys isteidi. Munda árbir stýdent ártúrli uiymdardyń jumysymen jáne maqsatymen tanys bolyp óziniń janyna jaqyn uiymǵa múshe bola alady. Ýniversitet tarapynan da stýdentterge kóptegen jaǵdailar jasalǵan. Munyń birden bir kórinisi - Almatynyń taý bókterindegi stýdenttik qalashyq. QazUÝ-niń stýdenttik qalashyǵyn onyń kólemi men masshtabyn eskersek “qala ishindegi qalashyq” dep atasaq ta bolady. Munda stýdentter saraiy, oqý korpýstary, zamanaýi kitaphana, oqý korpýstary, jataqhana blogy jáne stýdentterge qyzmet kórsetý ortalyǵy “Keremet” ornalasqan. Sonymen qatar, stýdentterge qyzmet kórsetý ortalyǵynyń birinshi qabaty stýdentterdiń qajetterin qamtamasyz etý úshin meditsinalyq ortalyq, kinoteatr, sýpermarket, dárihana, tipti kir jýý blogtarymen jabdyqtalǵan. Stýdentterge qoiylatyn talap QazUÝ stýdentiniń kodeksine sáikes abyroily stýdent ataǵyna kir keltirmei bilim nárimen sýsyndaý...Sóz sońynda, QazUÝ-de shynymen de barlyq armandar júzege asady degimiz keledi.
N. Sharypqazy, QazUÝ Shyǵystaný fakýltetiniń oqytýshysy
