تۇركىستان وبلىسى، ارىس “ءبىلىم-يننوۆاسيا” ليسەيىنىڭ 11 سىنىپ وقۋشىسى التىنبەك ايسۇلتان الەمنىڭ 9 ەلىندەگى 86 ۋنيۆەرسيتەتتەن شاقىرتۋ الدى،- دەپ حابارلايدى Dalanews.kz
ولاردىڭ ىشىندە ەڭ بەدەلدى حالىقارالىق 10 ۋنيۆەرسيتەت كورسەتىلگەن.
اتاپ ايتقاندا: Budapest University of Technology and Economics، Eötvös Loránd University، University of East London، Albion College، Hampshire College، Drexel University، DePaul University، CU Boulder (University of Colorado Boulder)، Drake University، Temple University سىندى الەمگە ايگىلى جوعارى وقۋ ورىندارى بار.
بۇل ءبىلىم وردالارى — جاھاندىق رەيتينگتەردە جوعارى ورىن الاتىن، عىلىم، تەحنولوگيا، بيزنەس جانە الەۋمەتتىك عىلىمدار سالاسىندا جەتەكشى ۋنيۆەرسيتەتتەر قاتارىندا.
ايسۇلتان يەلەنگەن گرانت $4 614 000 دوللاردى قۇرايدى. بۇل جەتىستىك — ايسۇلتاننىڭ تاباندىلىعى مەن تالپىنىسىنىڭ، اتا-اناسىنىڭ قولداۋى مەن ۇستازدارىنىڭ تىنىمسىز ەڭبەگىنىڭ ناتيجەسى.
