ۇلتتىق سالت-داستۇرلەرىمىز دارىپتەلىپ، سالاۋاتتى ءومىر سالتى ناسيحاتتالعان شارادا قالا جاستارىمەن بىرگە شىمكەنت قالاسى، قازىعۇرت جانە ورداباسى اۋدانىنىڭ جاستارى قاتىستى.
قاتىسۋشىلار ۇلتتىق سپورت تۇرلەرى – ارقان تارتۋ، قول كۇرەس، قوشقار كوتەرۋ، گىر تاسىن كوتەرۋدەن ب ا ق سىناستى.
وسى اتالعان سپورتتىق سايىستاردىڭ ىشىندە كوپشىلىكتىڭ نازارىن اۋدارعانى «قوشقار كوتەرۋ» سايىسى بولدى. قاتىسۋشىلار اراسىندا ءوزىنىڭ مىقتىلىعىن دالەلدەپ، سالماعى 43 كەلى بولاتىن قوشقاردى 1 111 رەت كوتەرگەن ازامات ماقۇلبەكوۆ باس جۇلدەنى يەلەنىپ، ارىس قالاسىنىڭ جاڭا رەكوردىن ورناتتى. ال، قوشقاردى 160 رەت كوتەرگەن ءماجيت ارحات ەكىنشى ورىندى، 150 رەت كوتەرگەن دانيار ايتبەك ءۇشىنشى ورىندى يەلەندى.
جارىس جەڭىمپازى ازامات ماقۇبەكوۆكە ءوزى كوتەرگەن قوشقار بەرىلسە، قالعان جۇلدەگەرلەر مەن قاتىسۋشىلارعا ۇيىمداستىرۋشىلاردىڭ باعالى سىيلىقتارى تابىس ەتىلدى.
ءبىر قىزىعى، ەرلەردەن سوڭ قوشقار كوتەرۋ كەزەگىن العان ارىستىق ءادىل اقنۇر ەسىمدى ارۋ ءتىپتى، ءبىرقاتار جىگىتتەردى شاڭ قاپتىرىپ، سەمىزدىكتى كوتەرەتىن جالعىز جانۋاردى 64 رەت كوتەردى. كەلۋشىلەردى تاڭقالدىرعان جىگەرلى ارۋعا دا ارنايى سىيلىق تابىس ەتىلدى.
سول سياقتى بارلىق سپورت تۇرىنەن جۇلدەلى ورىن العان قاتىسۋشىلار ارنايى العىس حاتپەن ماراپاتتالىپ، ولاردىڭ بارىنە تۇرمىستىق تەحنيكالار سىيعا تارتىلدى.
بۇدان بولەك، ارىس قالاسىنىڭ وركەندەپ دامۋىنا، جاستاردىڭ پاتريوتتىق رۋحىن كوتەرىپ، سالاماتتى ءومىر سالتىن ۇستانۋدا ەڭبەك ەتىپ، دەمەۋشىلىك تانىتىپ جۇرگەن قالامىزدىڭ ءبىرقاتار ازاماتتارىنا دا العىس حاتتار مەن باعالى سىيلىقتار تابىس ەتىلدى.
