ارىستانبەك مۇحامەديۇلى: «اباي قۇنانبايۇلى سكريپكادا ويناعان»
سەرسەنبٸ كٷنٸ ٶنەر سالاسى بويىنشا مەملەكەتتٸك سىيلىق «قۇنانباي» تولىق مەتراجدى كٶركەم فيلمٸ ٷشٸن اۆتورلار ۇجىمى – دوسحان قاليۇلى جولجاقسىنوۆ, رۋستام وديناەۆ, ايدوس جۇمادٸلدٸۇلى بەكتەمٸر جەنە نۇرسيفات راحىمبايقىزى سالىقوۆاعا بەرٸلگەن بولاتىن. وسى كينو تٶڭٸرەگٸندە ەڭگٸمە ٶربٸتكەن مەدەنيەت جەنە سپورت مينيسترٸ قۇنانبايدىڭ اعارتۋشىلىق قىزمەتٸنە توقتالدى.
– قۇنانباي اعا سۇلتان عانا ەمەس, اعارتۋشى دا بولعان. اباي, شەكٸرٸم, اقىلباي سىندى اينالاسىنداعى بالالارى مەن تۋىستارىنا, سكريپكاشى مامانىن شاقىرتىپ, وقىتقان. اباي جاس كەزٸندە سكريپكادا ويناعان, – دەيدٸ ا. مۇحامەديۇلى.
ايتا كەتەيٸك, بۇعان دەيٸن ابايدىڭ ٷلكەن ۇلى اقىلبايدىڭ ساۋىقشىل, ەنشٸ, سكريپكاشى بولعانى باسپاسٶز بەتتەرٸندە جازىلعان ەدٸ.
ال باۋىرجان ەردەمبەكوۆ ٶزٸنٸڭ «ابايدىڭ ەنشٸ شەكٸرتتەرٸ» اتتى ماقالاسىندا قۇنانباي ەمەس, اباي سكريپكاشى ماماندى شاقىرتىپ, اينالاسىنداعىلاردى مۋزىكاعا باۋلىعانىن جازادى.
– اباي قاسىنداعى اسا تالانتتى ەنشٸ-مۋزىكانتتاردى اتاعاندا الدىمەن مۇقا ەدٸلحانۇلى ەسٸمٸ ايتىلادى. سوناۋ حاليوللا قالادان كەلٸپ جٷرگەن كەزدەردە اباي اۋىلىنىڭ ەن مەن كٷيٸن كەلتٸرەتٸن مۇقا كەلە-كەلە اباي اۋىلىنداعى ەنشٸلەر مەكتەبٸنٸڭ ۇستازىنا اينالدى. مۋزىكا ٶنەرٸن قالادان ارنايى ٷيرەنٸپ كەلگەن مۇقادان كٶكباي, شەكەرٸم, اقىلباي, ماعاۋييا, كەكٸتاي, تۇراعۇل, ەلماعامبەت, مۇحامەدجان, ٶتەگەلدٸ تاعى بٸرنەشە جاستار دومبىرا, گارمون, سكريپكا تارتىپ, مۋزىكا تٸلٸن ٷيرەنٸپ شىعادى. ابايدىڭ مۇقا سيياقتى تالانتتى اۋىلىنا العىزۋى سيياقتى ٶنەگەلٸ ٸسٸ ٶز شەكٸرتتەرٸنٸڭ ٶمٸر جولىندا دا جالعاسقان. مەسەلەن, ماعاۋييا ٸنٸسٸ تۇراعۇلدىڭ ەن-كٷيگە ەۋەستٸگٸن بٸلٸپ سەمەيدەن ياكوۆ دەگەن سكريپكاشىنى الدىرىپ, اقى تٶلەپ, تۇراعۇلعا سكريپكا ٷيرەتكەن. مۇقانىڭ تالانتىن اسا جوعارى باعالاعان اباي ونى مۋزىكا سالاسىندا وقىتۋ ٷشٸن مەسكەۋ, پەتەربور سيياقتى ٷلكەن قالالارعا جٸبەرمەك بولىپ, ارنايى كيٸم تٸككٸزٸپ, جول جابدىعىن دا دايىنداعان كٶرٸنەدٸ, – دەپ جازادى اۆتور.
