مەرەكەلٸك شاراعا قاتىسقان وبلىس ەكٸمٸ ج.تٷيمەباەۆ بارشا ٶنەر سٷيەر قاۋىمىن قۇتتىقتاپ, بٷگٸنگٸ شارانىڭ ماڭىزدىلىعىنا توقتالدى.
– قازاق حالقى – ەجەلدەن ٶنەر سٷيگەن, ٶنەرپازدارىن قادٸرلەگەن حالىق. ال ٶنەر – بٸزدٸڭ رۋحىمىز. رۋح ەشقاشان دا ٶلمەيدٸ. ەڭ قاسيەتتٸ رۋح حالىقتا دەپ بٸلەمٸن. سول سەبەپتٸ دە رۋحانييات حالىقپەن بٸرگە مەڭگٸ جاسايدى. بۇل فەستيۆال بٷگٸندە تەك وڭتٷستٸك جۇرتىنا عانا ەمەس, بٷكٸل ەلگە اتى مەشھٷر. وڭتٷستٸك ٶڭٸردەن شىعىپ, بارشا قازاقتىڭ ماقتانىشىنا اينالعان كومپوزيتورلاردى, ٶنەر ۇجىمدارى مەن ەنشٸلەردٸ دەرٸپتەۋگە, ولاردىڭ شىعارماشىلىعىن ناسيحاتتاۋعا باعىتتالعان بۇل شارا ۇلتتىق ٶنەردٸ, جەرگٸلٸكتٸ دارىنداردى قولداۋدىڭ الاڭىنا اينالدى, – دەدٸ ەكٸم.
جىر كەشٸندە جەرگٸلٸكتٸ سازگەرلەردٸڭ حالىق اراسىندا كەڭٸنەن تاراعان 20 ەنٸ ورىندالدى. فەستيۆالگە ەلٸمٸزگە تانىمال ٶنەر جۇلدىزدارى قر ەڭبەك سٸڭٸرگەن قايراتكەرٸ ۇلىقپان جولداسوۆ, قر مəدەنيەت قايراتكەرلەرٸ جۇبانىش جەكسەنۇلى, شاحيزادا بايپاتشانوۆا, اقبوتا كەرٸمبەكوۆالار قاتىستى.
وسىمەن سەگٸزٸنشٸ رەت ۇيىمداستىرىلعان رەترو-فەستيۆال بيىل دا جوعارعى دەڭگەيدە ٶتتٸ.
وقو ەكٸمٸنٸڭ باسپاسٶز قىزمەتٸ
https://dalanews.kz/29983
