سالتانات نۇكەنوۆانى ءولتىردى دەپ 24 جىلعا سوتتالعان قۋاندىق بيشىمبايەۆتىڭ بۇرىنعى ايەلى نازىم قاھارمان بالالارى تەگىن وزگەرتكىسى كەلەتىنىن ايتتى، - دەپ حابارلايدى Dalanews.kz.
نازىم قاھارمان مەن قۋاندىق بيشىمبايەۆ 14 جىل وتاسقان، رەسمي نەكەدە بولعان. ولاردىڭ 3 بالاسى بار. ەرلى-زايىپتى 2020 جىلى، ەكس-مينيستر بۇرىنعى قىلمىستىق ءىسى بويىنشا كولونيادان بوساعاننان كەيىن ءبىر جىل وتكەن سوڭ اجىراسقان.
"ارينە، ماڭگىگە اكە بولىپ قالا بەرەدى. ...اكەلەرى كىسى ولتىرگەنىن، ءومىرىن قۇرتقانىن قابىلدايدى ءارى بالالارىن وسىلايشا قارابەت قىلدى. اشۋلانادى، قايعىرادى، جىلايدى، جىبەرەدى. اكەلەرىنىڭ ءوز جولى بار، بالالارى اكەسى ءۇشىن جاۋاپ بەرمەيدى، ولار ونى تاربيەلەمەدى. ونى قولداۋعا جانە جاقسى كورۋگە مىندەتتى ەمەس. ءبىز، اتا-انا، بالا الدىندا جاۋاپتىمىز"، - دەپ جاۋاپ بەردى بيشىمبايەۆتىڭ بۇرىنعى ايەلى الەۋمەتتىك جەلىدە وقىرماندارىنا.
سونىمەن قاتار، نازىم قاھارمان بالالارى تەگىن وزگەرتكىسى كەلەتىنىن ايتتى.
"ارينە، قالايدى. بۇل تەك تانىمال بولىپ كەتتى. ءبيشىمباي اتا جاقسى ادام بولعان، ءبىراق، وكىنىشكە قاراي، قۋاندىق ارعى اتاسىنىڭ ەسىمىن ماسقارالاپ، قورلادى"، - دەپ جازدى ول.
ايتا كەتەيىك، بۇعان دەيىن نازىم قاھارمان سوت ۇكىمىنە قاتىستى پىكىر ءبىلدىردى. ونىڭ ايتۋىنشا، بۇل جايت ولارعا وڭاي تيمەگەن.
"ءبىر جاعىنان ايەل رەتىندە، وسى ەلدىڭ ازاماتى رەتىندە اشىق سوتتى قولدادىم، ويتكەنى بۇل پروسەستى قوعامنىڭ ساۋىعۋى مەن تەراپياسىنا قادام رەتىندە قابىلدايمىن. ەكىنشى جاعىنان، سوت بالالار مەن ماعان كۇيزەلىس بولىپ ءتيدى، ويتكەنى وندا ادامشوشىرلىق ءمان-جايلار بەلگىلى بولدى. بالالار مۇنى قابىلداپ، ءارى قاراي دا ءومىر ءسۇرۋى كەرەك. الەمدەگى بىردە-بىر بالاعا مۇنى تىلەمەيمىن. سوندىقتان ءبارى اياقتالعانىنا جەڭىلدەپ قالدىق"، - دەدى نازىم قاھارمان Tengrinews.kz-كە.
ول نۇكەنوۆتار وتباسىنا تاعى دا كوڭىل ايتتى.
"مەنىڭ ويىمشا، القابيلەر سوتى ءىستىڭ بارلىق اشىق جانە جابىق ماتەريالىن قاراپ، سانالى جانە دۇرىس شەشىم قابىلدادى"، - دەدى ول Tengrinews.kz-كە.
