جاڭا كەرٸزدٸك تازارتۋ قوندىرعىسى 45 جىلدان بەرٸ پايدالانىلىپ كەلە جاتقان قولدانىستاعى ستانتسييانىڭ ورنىن الماستىرادى, دەپ حابارلايدى dalanews.kz.
جوبانى ٸسكە اسىرۋ كەرٸز جٷيەسٸنٸڭ توزعان ينفراقۇرىلىمىن جاڭارتۋعا, ورتالىقتاندىرىلعان كەرٸز جٷيەسٸمەن قامتىلعان حالىق ٷلەسٸن ارتتىرۋعا جەنە قالانىڭ بولاشاق دامۋىنا قاجەتتٸ قۋات رەزەرۆٸن قالىپتاستىرۋعا مٷمكٸندٸك بەرەدٸ.
اقتٶبە وبلىسىنىڭ ەكٸمٸ اسحات شاحاروۆ اقتٶبە قالاسىنداعى جاڭا كەرٸزدٸك تازارتۋ ستانتسيياسىنىڭ قۇرىلىس الاڭىنا باردى. ول جوبا جەنە بولاشاق نىساننىڭ تەحنولوگييالىق شەشٸمدەرٸمەن تانىستى.
قولدانىستاعى كەرٸز تازارتۋ كەشەنٸ 1981 جىلى پايدالانۋعا بەرٸلگەن. بٷگٸندە ونىڭ توزۋ دەڭگەيٸ شامامەن 70%-دى قۇرايدى. تەۋلٸگٸنە كەلٸپ تٷسەتٸن اعىندى سۋدىڭ ورتاشا كٶلەمٸ 70–80 مىڭ تەكشە مەتر بولسا, سۋ تاسقىنى كەزەڭٸندە بۇل كٶرسەتكٸش 95 مىڭ تەكشە مەترگە دەيٸن جەتەدٸ. قازٸرگٸ تاڭدا اقتٶبە حالقىنىڭ شامامەن 62%-ى ورتالىقتاندىرىلعان كەرٸز جٷيەسٸمەن قامتىلعان.
جاڭا كتق تەۋلٸگٸنە 100 مىڭ تەكشە مەتر اعىندى سۋدى تازارتۋعا قاۋقارلى. ال ەڭ جوعارى جٷكتەمە كەزٸندە ونىڭ ٶنٸمدٸلٸگٸ 130 مىڭ تەكشە مەترگە دەيٸن جەتەدٸ. قۇرىلىستى 2028 جىلدىڭ مامىرىندا اياقتاۋ جوسپارلانۋدا. جوبانىڭ جالپى قۇنى شامامەن 43 ملرد تەڭگە.
«Aqtobe su-energy group» اق باس ديرەكتورى ناعىمجان الديياروۆتىڭ ايتۋىنشا, جاڭا ستانتسييانىڭ باستى ەرەكشەلٸگٸ – تٶرت دەڭگەيلٸ تازارتۋ جٷيەسٸنٸڭ ەنگٸزٸلۋٸ. تەحنولوگييالىق ٷدەرٸسكە مەحانيكالىق جەنە بيولوگييالىق تازارتۋ, ۋلتراكٷلگٸن سەۋلەمەن زالالسىزداندىرۋ, سونداي-اق بيوگاز ٶندٸرۋ ارقىلى تۇنبانى ٶڭدەۋ كٸرەدٸ. تۇنبانى كەپتٸرٸپ, تٷيٸرشٸكتەرگە اينالدىرۋ, ال بيوگازدى ەلەكتر ەنەرگيياسىن ٶندٸرۋگە پايدالانۋ جوسپارلانعان.
«جاڭا كەشەننٸڭ قۇرىلىسى – بۇل قالانىڭ دامۋىمەن قاتار, ەكولوگييالىق جەنە سانيتارييالىق قاۋٸپسٸزدٸككە بايلانىستى قاجەتتٸلٸك. جوبانى قارجىلاندىرۋ مەملەكەتتٸك كەپٸلدٸكپەن ەۋروپالىق قايتا قۇرۋ جەنە دامۋ بانكٸنٸڭ نەسيە قاراجاتى ەسەبٸنەن جٷزەگە اسىرىلادى. قارىزدى ٶتەۋ جەنە وعان قىزمەت كٶرسەتۋ شىعىندارىنىڭ 90%-ىنا دەيٸن رەسپۋبليكالىق بيۋدجەت, ال كەمٸندە 10%-ى جەرگٸلٸكتٸ بيۋدجەتتەن قامتاماسىز ەتٸلەدٸ. ياعني, بارلىق قارجىلىق جٷكتەمە تۇرعىنداردىڭ موينىنا ارتىلمايدى. جاڭا ستانتسييا تەۋلٸگٸنە 130 مىڭ تەكشە مەترگە دەيٸن اعىندى سۋدى ٶڭدەي الادى. بۇل قالا ٷشٸن ۇزاقمەرزٸمدٸ پەرسپەكتيۆاعا قاجەتتٸ قۋات رەزەرۆٸن قالىپتاستىرۋعا مٷمكٸندٸك بەرەدٸ. جوبا اياسىندا قولدانىستاعى ينفراقۇرىلىم بويىنشا دا جۇمىستار قاراستىرىلعان. اتاپ ايتقاندا, تازارتىلعان سۋدى بۇرۋعا ارنالعان ەكٸ قۇبىردى ساناتسييالاۋ جەنە گەرمەتيزاتسييالاۋ جوسپارلانۋدا», – دەدٸ ٶڭٸر باسشىسى.
نىساندا جۇمىستار باستالىپ كەتتٸ. قۇرىلىس الاڭىنا مەردٸگەر ۇيىمنىڭ ماماندارى جۇمىلدىرىلعان. جۇمىستار اۋقىمى كەڭەيگەن سايىن جۇمىسشىلار سانىن 350 ادامعا دەيٸن ارتتىرۋ جوسپارلانىپ وتىر.
جاڭا كتق پايدالانۋعا بەرٸلگەننەن كەيٸن تازارتىلعان سۋدى بالىق شارۋاشىلىعى ماقساتىندا پايدالانۋعا نەمەسە بەلگٸلەنگەن ەكولوگييالىق تالاپتار ساقتالىپ, قاجەتتٸ جوبالىق قۇجاتتاما بولعان جاعدايدا سۋ نىسانىنا اعىزۋعا بولادى.
قولدانىستاعى تازارتۋ قوندىرعىلارى جاڭا ستانتسييا ٸسكە قوسىلعانعا دەيٸن جۇمىسىن جالعاستىرادى. ودان كەيٸن قازٸرگٸ كتق ودان ەرٸ پايدالانۋ جاعدايى جەنە ونى رەكونسترۋكتسييالاۋ قاجەتتٸلٸگٸ ايقىندالادى.
جوبانى ٸسكە اسىرۋ قالانىڭ سۋ بۇرۋ جٷيەسٸندەگٸ ماڭىزدى نىساندى جاڭعىرتۋ, اعىندى سۋلاردى تازارتۋ ساپاسىن ارتتىرۋ جەنە اقتٶبەنٸڭ ودان ەرٸ دامۋىنا مٷمكٸندٸك بەرەدٸ.
