اقتوبە وبلىسىندا جارتاسقا جازۋدى ويىپ جازعان شەنەۋنىك قايتادان جۇمىستان قۋىلدى

كوركەم الدابەرگەنوۆا 28 ناۋ. 2024 09:19 1929

اقتوبە وبلىسىندا جارتاسقا جازۋدى ويىپ جازعان شەنەۋنىك قايتادان جۇمىستان قۋىلدى. بۇل تۋرالى مادەنيەت ۆيسە-مينيسترى قانات ىسقاقوۆ ايتتى، - دەپ حابارلايدى Dalanews.kz

جاقىندا ماناس كوشەربايەۆ اقتوبە وبلىسىنداعى بايعانين اۋداندىق مادەنيەت ءۇيىن باسقاراتىنى بەلگىلى بولعان ەدى. ەندى شەنەۋنىك بۇل قىزمەتىنەن دە ايىرىلعان.

«بايعانين اۋداندىق مادەنيەت، تىلدەردى دامىتۋ، دەنە شىنىقتىرۋ جانە سپورت ءبولىمى باسشىسىنىڭ 2024 جىلعى 27 ناۋرىزداعى بۇيرىعىمەن ماناس كوشەربايەۆ بەرگەن وتىنىشىنە سايكەس قىزمەتىنەن بوساتىلدى»، - دەيدى ۆيسە-مينيستر «قازتاگ» رەداكسياسىنا.

بۇعان دەيىن باق-تاردا ماڭعىستاۋداعى ىبىقتى ساي شاتقالىندا ويىپ جازۋ جازعان ەر ادامنىڭ ارەكەتى ۆيدەوعا ءتۇسىپ قالعانىن حابارلانعان. ەر ادام بالعا، بۇراعىشقا ۇقساس زاتپەن جارتاسقا ويىپ جازعان. الەۋمەتتىك جەلىلەردە ەر ادامنىڭ ارەكەتى كورىنەتىن ۆيدەو جاريالاندى.

كەيىننەن ول قىزمەتىنەن بوساتىلعان بولاتىن. 

 


ۇسىنىلعان
سوڭعى جاڭالىقتار