قما اقتوبە وبلىسى بويىنشا دەپارتامەنتى حرومتاۋ اۋدانىنداعى «ماگادجان» سۋ بوگەتىنىڭ قيراۋىنا اكەلگەن نەمقۇرايلىلىق فاكتىسى بويىنشا تەرگەۋدى اياقتادى، دەپ حابارلايدى Dalanews.kz.
بوگەتتىڭ بۇزىلۋىنا جەرگىلىكتى اتقارۋشى ورگان قىزمەتكەرىنىڭ ءوز قىزمەتتىك مىندەتتەرىن تيىسىنشە ورىنداماۋى سەبەپ بولدى. اتالعان اكىمدىك قىزمەتكەرى گيدروتەحنيكالىق قۇرىلىستىڭ تەحنيكالىق جاعدايىن باقىلاماعان، تەكسەرىس جۇرگىزبەگەن جانە اپاتتىڭ الدىن الۋعا قاجەتتى شارالاردى قابىلداماعان.
سالدارىنان العا اۋدانىنىڭ ەلدى مەكەندەرى مەن ىلەك جانە قارعالى وزەندەرىنىڭ ماڭىنداعى باۋ-باقشا ۇجىمدارى سۋ استىندا قالدى. 215 ادام، ونىڭ ىشىندە 96 بالا قاۋىپسىزدىك جەرگە جەتكىزىلدى.
كەلتىرىلگەن شىعىن 211 ملن تەڭگەدەن استى.
سوت كىنالى تۇلعاعا 1 جىل 6 اي مەرزىمگە بوستاندىعىن شەكتەۋ جازاسىن تاعايىندادى.
ۇكىم زاڭدى كۇشىنە ەنگەن جوق.
