ۆيتسە-پرەمەر قانات بوزىمباەۆ يكاو-نىڭ ەۋروپالىق جەنە سولتٷستٸك اتلانتيكالىق بيۋروسىنىڭ ديرەكتورى نيكوليا راللومەن كەزدەستٸ, دەپ حابارلايدى Dalanews.kz.
قانات بوزىمباەۆ يكاو-عا قازاقستانمەن ىنتىماقتاستىق مەسەلەلەرٸ بويىنشا تۇراقتى قولداۋ كٶرسەتكەنٸ ٷشٸن ريزاشىلىعىن بٸلدٸردٸ. سونداي-اق تەۋەلسٸز ساراپشى تورمودۋر تورمودسسوندى Azerbaijan Airlines ۇشاعى اپاتقا ۇشىراعان جەرگە ۋاقتىلى جٸبەرگەنٸ ٷشٸن العىسىن ايتتى.
«بٸزگە كٶرسەتكەن تۇراقتى قولداۋىڭىزعا, سونىڭ ٸشٸندە باستامالارىمىزدى قولداعانىڭىز ٷشٸن ٷكٸمەت اتىنان شىن جٷرەكتەن العىسىمدى بٸلدٸرەمٸن. وسى تەرگەۋدٸ تولىق اياقتاۋ ماقساتىندا بٸز يكاو-مەن ٶزارا ٸس-قيمىلدى جالعاستىرامىز», — دەدٸ قانات بوزىمباەۆ.
ۆيتسە-پرەمەر ۇشاق اپاتىنىڭ العاشقى كٷندەرٸنەن باستاپ قازاقستاننىڭ وبەكتيۆتٸ جەنە جان-جاقتى تەرگەۋ جٷرگٸزۋگە باسىمدىق بەرگەنٸن اتاپ ٶتتٸ.
ٶز كەزەگٸندە نيكوليا راللو قازاقستاننىڭ قىسقا مەرزٸم ٸشٸندە دايىنداعان جەنە جارييالاعان «Azerbaijan Airlines» ەۋە كومپانيياسىنىڭ ۇشاعىنىڭ اپاتى تۋرالى الدىن الا ەسەبٸن جوعارى باعالادى.
«اپاتتان كەيٸن 1,5 ايعا جەتپەس ۋاقىت ٸشٸندە الدىن الا قورىتىندىنى اياقتاۋعا قول جەتكٸزگەن قازاقستان مەن تەرگەۋ كوميسسيياسىنىڭ جۇمىسىن اتاپ ٶتكٸم كەلەدٸ. مەن سٸزدٸ تەرگەۋ بارىسىندا حالىقارالىق ازاماتتىق اۆياتسييا تۋرالى كونۆەنتسييانى تولىق ورىنداۋدى جالعاستىرۋعا شاقىرامىن», — دەدٸ نيكوليا راللو.
ەستەرٸڭٸزگە سالا كەتەيٸك, اقتاۋداعى ۇشاق اپاتىن تەرگەۋ بويىنشا قورىتىندى ەسەپ چيكاگو كونۆەنتسيياسىنا سەيكەس وسى جىلدىڭ سوڭىنا دەيٸن جارييالانادى.
