كاسپيي جاعالاۋىنداعى ەڭ تارتىمدى جەر قالايشا اۋەلى «ماڭعىستاۋمۇنايگاز» مۇناي الىبىنىڭ، كەيىن ميللياردەر سارسەنوۆتىڭ قولىنا ءوتىپ، ارادا 20 جىل وتكەن سوڭ قايتادان مەملەكەتتىك مەنشىككە قايتارىلدى، دەپ حابارلايدى Dalanews.kz Orda.kz-كە سىلتەپ. 

كاسپيي جاعاسىنىڭ بويىندا ورنالاسقان ەليتالى «سامال» ىقشام اۋدانىندا جەرگىلىكتى ەليتاعا تيەسىلى ءزاۋلىم ۇيلەر بوي كوتەرگەن - ءبىر قاباتتى، ەكى قاباتتى، باسسەيندەرى، جەكە شىركەۋى، ءتىپتى ات جارىس الاڭى بار ۇيلەر. كوتتەدجدىڭ ۇستىنە كوتتەدج، ءسان-سالتاناتتىڭ شەگى جوق. مۇندا كىم تۇرادى؟ حالىق ايتۋىنشا - شەنەۋنىكتەر، جوعارى لاۋازىمدى قۇقىق قورعاۋ ورگاندارىنىڭ وكىلدەرى مەن مۇناي سالاسىنىڭ الپاۋىتتارى. مۇنى ناقتى تەكسەرۋ مۇمكىن ەمەس، ءبىراق كۇمان كەلتىرۋ دە قيىن.

وسى «قازاقستاندىق رۋبلوۆكاعا» جاپسارلاس ورنالاسقان 226 گەكتارلىق الىپ جەر تەلىمى جىلدار بويى بوس تۇر. بۇل اۋماقتى جۇرت «پرەزيدەنت رەزيدەنسياسى» دەپ اتايدى.

بۇل جەردىڭ پايدالانىلماۋ سەبەبى – جارامسىزدىعىنان ەمەس، كەرىسىنشە، تىم قولايلى بولعانىنان. كاسپيي جاعالاۋىنداعى ەڭ كەرەمەت مەكەن: تىنىش، كەڭ، كوكجيەككە اشىق، ءتىپتى ياحتا قوياتىن جەكە شىعاناعى بار. ناعىز جۇماق بۇرىشى، ول قالاي ەكەنى بەلگىسىز، جەكە مەنشىككە ءوتىپ كەتكەن.

2000-جىلداردىڭ باسىندا اقتاۋ اكىمدىگى بۇل جەر تەلىمىن ايتارلىقتاي تومەن باعامەن وڭىردەگى ءىرى مۇناي كومپانياسى - «ماڭعىستاۋمۇنايگازعا» ساتقان. ماقسات – سول جەردە «Villa» تۇرعىن ءۇي كەشەنىن سالۋ بولعان. جەر اۋكسيونسىز جانە جەر كودەكسىن بۇزۋ ارقىلى بەرىلگەن. جەر ساتىپ العان كومپانيا اكسيونەرلەرىنىڭ قاتارىندا ەسىمى كەز كەلگەن ەسىكتى اشاتىن ادام – نۇرسۇلتان نازاربايەۆتىڭ كۇيەۋ بالاسى تيمۋر قۇلىبايەۆ بولعان.

الايدا، بۇل كاسپيي جاعالاۋىنداعى «ءدامدى» اۋماقتا ەشقانداي ۆيللالار سالىنباعان. كەيىننەن مۇناي-گاز كومپانياسى بۇل جەردىڭ جارتىسىن «Oil Real Estate» جشس-گە ساتقان. ال بۇل كومپانيا – Forbes تىزىمىندە جۇرگەن بەلگىلى ميللياردەر راشيت سارسەنوۆكە تيەسىلى.

مۇمكىy ەگەر 2022 جىلعى قاڭتار وقيعالارى مەن ودان كەيىنگى «وليگارحتاردى مايسىزداندىرۋ» ءداۋىرى باستالماسا بۇل تۋرالى قوعام ەشقاشان بىلمەي قالاتىن ەدى. ءدال وسى جىلى اقتاۋ قالاسىنىڭ پروكۋراتۋراسى 20 جىل بۇرىن جاسالعان مامىلەگە نازار اۋدارىپ، اكىمدىك پەن «ماڭعىستاۋمۇنايگاز» اراسىنداعى كەلىسىمشارتتى تەكسەرە باستادى. ناتيجەسىندە، جەر تەلىمىنىڭ بيزنەسكە زاڭسىز بەرىلگەنى انىقتالعان.

2002 مەن 2004 جىلدار ارالىعىندا سول كەزدەگى اقتاۋ اكىمى - كەيىن ءماجىلىس دەپۋتاتى بولعان سەرىك وسپانوۆتىڭ شەشىمىمەن كاسپيي جاعالاۋىنداعى ۇلكەن اۋماق ءبولىپ-بولىپ، سول كەزدە ءالى «قازمۇنايگاز» قۇرامىنا كىرمەگەن، تاۋەلسىز مۇناي-گاز ءوندىرۋشى كومپانيا بولىپ ەسەپتەلگەن «ماڭعىستاۋمۇنايگازعا» ساتىلعان. كومپانيانىڭ نەگىزگى اكسيونەرى سول كەزدە تيمۋر قۇلىبايەۆ بولعان.