اباي وبلىسى، اقسۋات اۋداندىق اۋرۋحاناسى ءوڭىر تۇرعىندارىنا العاشقى مەديسينالىق–سانيتارلىق، كەڭەستىك-دياگنوستيكالىق، ستاسيونارلىق، ستاسيونار الماستىرۋشى كومەك تۇرلەرىن كورسەتەدى،- دەپ حابارلايدى Dalanews.kz.
اۋرۋحاناعا قاراستى 10 دارىگەرلىك امبۋلاتوريا، 11 مەديسينالىق جانە 1 فەلدشەرلىك-اكۋشەرلىك پۋنكت بار.
مەديسينالىق مەكەمەگە 17 115 ادام تىركەلگەن. 2579 ادام جىلجىمالى مەديسينالىق كەشەن ارقىلى قارالعان. بىلتىر اۋداندا 291 ءسابي دۇنيەگە كەلگەن.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋداندا دارىگەرلىك امبۋلاتوريا، فەلدشەرلىك-اكۋشەرلىك جانە مەديسينالىق پۋنكتتەر سالىنىپ جاتىر. بۇيرەك سوزىلمالى جەتىسپەۋشىلىگىمەن ەسەپتە تۇراتىن ناۋقاستار ءۇشىن گەمودياليز ورتالىعى اشىلدى. اۋرۋحاناعا قازىرگى زامان تالابىنا ساي مەديسينالىق تەحنيكالار ساتىپ الىندى. بىلتىر ۇلتتىق اككرەديتتەۋ ورتالىعىنىڭ باعالاۋىنان ءوتىپ، ءى دارەجەلى اككرەديتتەلگەن مەديسينالىق ۇيىم مارتەبەسىن يەلەندى.
اقسۋات اۋداندىق اۋرۋحاناسى بيىل زاماناۋي مەديسينالىق قۇرالدارمەن جابدىقتالىپ، بوسانۋ بولىمشەسىن 2ء-شى دەڭگەيلى ۇيىمعا اينالدىرۋ، لاپاروسكوپيالىق وتالار سانىن ارتتىرۋ جانە ەرتە دياگنوز قويۋ جۇمىستارىن جۇرگىزۋدى جوسپارلاپ وتىر. سونىمەن قاتار، مامانداردىڭ ءبىلىمىن جەتىلدىرىپ، اۋرۋحاناعا كۇردەلى جوندەۋ جۇرگىزىلمەك.
