– ءبىز ءپۋتيندى جاقسى بىلەمىز. ول اسقان قاتىگەز اسكەري قىلمىستى جاساۋعا بۇيرىق بەردى. دەمەك، بىزدەر بۇل سوعىستا پۋتين سوڭى ۇلكەن الپاتقا اكەلەتىن قارۋدى ورىس اسكەرىنە قولدانۋعا رۇقسات بەرۋى مۇمكىن ەكەنىن جوققا شىعارمايمىز. بۇعان دايىن بولۋىمىز كەرەك، – دەدى ۆيكتوريا نۋلاند.
ءوز كەزەگىندە امەريكاندىق ديپلومات اقش پەن ناتو-عا مۇشە ەلدەر رەسەي پرەزيدەنتى ۆلاديمير پۋتينگە ەگەر سوعىس بارىسىندا يادرولىق قارۋ قولدانسا ونى قاسىرەتىن ۋكراينا مەن وزگە ەلدەردەن بولەك رەسەي مەن پۋتين بيلىگى ءۇشىن دە اۋىر بولاتىنىن ايتىپ، ەسكەرتۋ جاساعاندارىن جەتكىزدى.
– ەگەر مۇنداي اۋىر قاسىرەت ورىن الاتىن بولسا، بىزدەر ۋكراينانى جالعىز قالدىرمايمىز. ءقازىردىڭ وزىندە الەم ەلدەرى ءپۋتيندى ۋكرايناعا قارسى جاساعان اسكەري قىلمىسى ايتىپ جاتىر ەگەر ول جاعداي ۋشىقتىرىپ، يادرولىق قارۋ قولداناتىن بولسا، قاقتىعىس جاڭا كەزەڭگە كوتەرىلەتىن بولادى، – دەپ ۆيكتوريا نۋلاند رەسمي ماسكەۋگە ەسكەرتۋ جاسادى.
