ونىڭ ايتۋىنشا، پوليمەرلى قاپتاما شىعاراتىن كومپانيا باسشىلىعى وبلىسقا ارنايى كەلىپ، كۇنگەيدەن 600-دەن اسا جۇمىسشىنى زاۋىتقا شاقىرىپ جاتقانىن ايتتى.
سەرىكتەستىك كەدەن وداعىنىڭ نورمالارىنا سايكەس پوليپروپيلەن قاپتارى مەن جۇمساق كونتەينەرلەر شىعاراتىن زاۋىتتاردىڭ ءبىرى سانالادى. 2003 جىلى قۇرىلعاننان بەرى نوۆوپەك پوليمەرلى وراۋ شەشىمدەرىن ازىرلەۋگە، وندىرۋگە جانە جەتكىزۋگە ماماندانعان. قازىرگى كەزدە اۋدانى شامامەن 45 مىڭ شارشى مەتردى قۇرايتىن وندىرىستىك كەشەندە 600 ادام جۇمىس ىستەيدى. بۇگىنگى كۇنى كومپانيا باسشىسى كوكشەتاۋ قالاسىنداعى زاۋىتتا جۇمىس ىستەگىسى كەلەتىن ازاماتتار بولسا، ولارعا بارلىق جاعدايدى جاسايمىز دەپ سەندىردى. ونىڭ سوزىنشە ءقازىر زاۋىتتا جۇمىس كۇشىنىڭ جەتپەۋى سالدارىنان كوپتەگەن قوندىرعىلار توقتاپ تۇر. ال ەگەر قوسىمشا 600 دەن استام جۇمىسشى كەلسە ونىمدىلىكتى ەكى ەسەگە دەيىن ارتتىرىپ، ەۋروپا نارىعىنا دا شىعۋعا مۇمكىندىك بار. ياعني ءقازىر ايىنا 6 ملن داناداي قاپ تىگىلسە، ونىڭ كولەمى 11 ملن-عا دەيىن ارتادى.
– زاۋىتقا نەگىزىنەن ءۇش ماماندىق بويىنشا، ماشينيستەر، وپەراتورلار مەن تىگىنشىلەر قاجەت. كەلگەن جۇمىسشىلاردى الدىمەن ارنايى كۋرستاردا وقىتىپ، ول كەزەڭگە 40 مىڭ تەڭگەدەن ستيپەنديا بەرەمىز. ودان كەيىن جۇمىسقا قابىلدانىپ، جاتاقحانامەن قامتىلادى. جالاقىلارى 80-150 مىڭ تەڭگەنىڭ ارالىعىندا. تاماقتاردىڭ باعاسى 300 تەڭگەدەن اسپايدى. قازىرگى تاڭدا زاۋىتتىڭ جانىنان تۇرعىن ءۇي كەشەنى سالىنۋدا. ول جەرگە 300-دەي جۇمىسشى قونىستاناتىن بولادى. سوندىقتان ءبىز جۇمىسشىلاردى وتباسىلارىمەن دە كەلسە قابىلدايمىز. الداعى ۋاقىتتا ولارعا قالا اۋماعىنان ءۇي ىرگەلىك جەر ءبولۋ ماسەلەسى دە قارالىپ جاتىر، – دەدى ايدار جاقىپوۆ.
تورتكۇندىك ساپارى بارىسىندا زاۋىت باسشىلىعى تۇركىستان قالاسى مەن سايرام، سارىاعاش اۋدانىنىڭ تۇرعىندارىمەن كەزدەسەدى دەپ كۇتىلۋدە.
وقو اكىمىنىڭ باسپا ءسوز قىزمەتى
