اقمولا وبلىسىندا بۇرىنعى باس بۋحگالتەر اسا ءىرى مولشەردە ۇرلىق جاساعانى ءۇشىن سوتتالدى، – دەپ حابارلايدى Dalanews.kz.
جارقايىڭ اۋدانىنىڭ سوتى مەملەكەتتىك مەكەمەنىڭ بۇرىنعى باس بۋحگالتەرىنە ءوزىنىڭ لاۋازىمدىق جاعدايىن پايدالانىپ، اسا ءىرى مولشەردە اقشا ۇرلاعانى ءۇشىن ايىپتاۋ ۇكىمىن شىعاردى.
سوت ۇكىمىمەن وعان ورتاشا قاۋىپسىزدىكتەگى قىلمىستىق-اتقارۋ جۇيەسى مەكەمەسىندە 6 جىلعا باس بوستاندىعىنان ايىرۋ جازاسى تاعايىندالدى.
وعان قوسا كوممەرسيالىق جانە باسقا ۇيىمداردا 7 جىل مەرزىمگە ماتەريالدىق جاۋاپتى لاۋازىمداردى اتقارۋعا تىيىم سالىنادى.
سونىمەن قاتار، سوت ازاماتتىق تالاپتى قاناعاتتاندىردى: سوتتالۋشىدان كاسىپورىننىڭ پايداسىنا كەلتىرىلگەن زالال، ياعني 240 ملن تەڭگەدەن اسا اقشا ءوندىرىلدى.
