Bek Air ەۋە كومپانيياسىنىڭ بالانسىندا قالعان ەكٸ Fokker-100 ۇشاعى اۋكتسيون ارقىلى ساتىلماق, دەپ حابارلايدى Dalanews.kz.
اۋكتسيونعا باستاپقى باعا – 104 ميلليون تەڭگە. باعالاۋ قۇنى بويىنشا, ۇشاقتاردىڭ بٸرەۋٸ – 69,4 ملن تەڭگە, ەكٸنشٸسٸ – 35 ملن تەڭگە تۇرادى.
تەحنيكالىق جاعدايى مەن ساۋدا شارتتارى
اۋكتسيون 26 ماۋسىم كٷنٸ ساعات 11:00-دە باستالادى. قاتىسۋعا ٶتٸنٸشتٸ اۋكتسيون باستالاردان ەكٸ ساعات بۇرىنعا دەيٸن بەرۋگە بولادى. F1018 جەنە F1019 بورتتىق نٶمٸرلەرٸ بار بۇل ۇشاقتار شارتتى تٷردە جارامدى كٷيدە. الايدا كەدەندٸك بەرەشەككە بايلانىستى ولاردى تولىقتاي پايدالانۋعا شەكتەۋ قويىلعان.
ۇشاقتاردىڭ بٸرٸ پانامادا تٸركەلگەن كومپانييادان 1,7 ملن دوللارعا, ەكٸنشٸسٸ گەرمانييادان 850 مىڭ دوللارعا ساتىپ الىنعان. ەكەۋٸ دە 1990 جىلداردىڭ باسىندا ٶندٸرٸلگەن.
كومپانييانىڭ قازٸرگٸ قارجىلىق جاعدايى
2024 جىلدىڭ اينالىم-قالدىق ۆەدوموسىنا سەيكەس, كومپانييانىڭ بالانسىندا قالعان ەڭ قۇندى اكتيۆ وسى ەكٸ ۇشاق. دەگەنمەن ولاردىڭ بالانستىق قۇنى 20 ميلليون تەڭگەدەن اسپايدى. جىل سوڭىنداعى جالپى سالدو – 38,5 ميلليون تەڭگە.
Bek Air اپاتى تۋرالى
2019 جىلعى 27 جەلتوقساندا Bek Air ەۋە كومپانيياسىنىڭ Fokker-100 ۇشاعى الماتىدان ەلورداعا ۇشىپ شىعۋى تيٸس بولاتىن. الايدا ۇشاق بيٸكتٸككە كٶتەرٸلە الماي, جەرگە سوعىلىپ, دٶڭگەلەكسٸز سىرعاناي كەلە ەۋەجاي قورشاۋىن بۇزىپ, الماتى ماڭىنداعى اياقتالماعان جەكە ٷيگە سوعىلدى.
ۇشاق بورتىندا 93 جولاۋشى مەن 5 ەكيپاج مٷشەسٸ بولعان. اپات سالدارىنان 12 ادام قازا تاۋىپ, 47 ادام جاراقات الدى.
بٸر ايدان سوڭ, امان قالعان ەكٸنشٸ ۇشقىش ميرجان مۇلداقۇلوۆ ترومب ٷزٸلٸپ كەتكەن سوڭ ٷيٸندە كٶز جۇمدى.
2021 جىلى تالعار اۋداندىق سوتى الماتى ەۋەجايىنىڭ ماڭىنداعى جەر تەلٸمدەرٸن زاڭسىز ساتقان ريەلتور مەن جەرگٸلٸكتٸ شەنەۋنٸكتەرگە ٷكٸم شىعاردى. ولار 2,5 جىلدان 4 جىلعا دەيٸن باس بوستاندىعىنان ايىرىلدى.
