انتيكور سپورتتىق اتاقتاردى نەگىزسىز بەرۋ بويىنشا قىلمىستىق ءىس قوزعادى

ساعىنىش سارداروۆا 04 ماۋ. 2024 11:06 785

انتيكور سپورتتىق اتاقتاردى نەگىزسىز بەرۋ بويىنشا قىلمىستىق ءىس قوزعادى، - دەپ حابارلايدى Dalanews.kz.

الەۋمەتتىك جەلىلەردى تەكسەرۋ بارىسىندا قازاقستاندىق ارالاس جەكپە-جەك سپورتشىسى ا.ءاشىموۆتىڭ جالعان سپورتشىلارعا "ق ر ەڭبەك سىڭىرگەن جاتتىقتىرۋشىسى" جانە "ق ر حالىقارالىق دارەجەدەگى سپورت شەبەرى" سپورتتىق اتاقتارىن نەگىزسىز بەرۋ تۋرالى بەينە اقپاراتى زەردەلەندى.

سىبايلاس جەمقورلىققا قارسى قىزمەت بۇل جاريالانىمعا دەن قويىپ، سوتالدى تەرگەۋدى تىركەدى.

اگەنتتىكتىڭ ۇسىنىسى بويىنشا جالعان سپورتشىلار سپورتتىق اتاقتارىنان ايىرىلدى. جەمقورلىق تاۋەكەلدەرىن سىرتقى تالداۋ قورىتىندىسى بويىنشا اگەنتتىك تۋريزم جانە سپورت مينيسترلىگىنىڭ اتىنا جەمقورلىق تاۋەكەلدەرىن جويۋ بويىنشا ۇسىنىستار ەنگىزدى.

سپورتتى تەرىس پايدالانعانى ءۇشىن جاۋاپكەرشىلىك تۋرالى حالىقارالىق ستاندارتتاردى راتيفيكاسيالاۋ، جوعارى جەتىستىكتەر سپورتىن قارجىلاندىرۋدى ورتالىقتاندىرۋ، قارجىلاندىرۋ ناتيجەلەرىن باعالاۋعا مۇمكىندىك بەرەتىن سپورت، ينفراقۇرىلىم، سپورتتىق ءىس-شارالار مەن جەتىستىكتەر سالاسىندا اينالىساتىن ادامدار بويىنشا تولىق دەرەكتەردى قامتيتىن ە-sport ۇلتتىق سيفرلىق پلاتفورماسىن ەنگىزۋ ۇسىنىلدى. بۇل سپورتشىلار، ينفراقۇرىلىم، جارىستار مەن جەتىستىكتەر تۋرالى ءبىرىڭعاي دەرەكتەر قويماسىن قۇرۋدى كوزدەيدى جانە سپورت سالاسىنداعى جەمقورلىق تاۋەكەلدەرىن بولدىرماۋعا مۇمكىندىك بەرەدى.

تەرگەۋ جالعاسىپ جاتىر.


ۇسىنىلعان
سوڭعى جاڭالىقتار