سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ دانييار بيعايداروۆ بٸلٸم سالاسىنداعى جەمقورلىققا قاتىستى تٷسٸنٸكتەمە بەردٸ, دەپ حابارلايدى Dalanews.kz.
سپيكەردٸڭ سٶزٸنە سٷيەنسەك, بٸلٸم بەرۋ سالاسىندا 2023 جىلدان بيىلعى جىلدىڭ بٸرٸنشٸ توقسانىنا دەيٸن ەڭبەكاقى قورىنداعى قاراجاتتى ۇرلاۋعا قاتىستى بٸرقاتار تۇراقتى قىلمىستىق ٸس-ەرەكەت ەشكەرەلەنگەن.
"ەسەپشٸلەر مەكتەپتەگٸ بۋحگالتەرلٸك ەسەپ جٷيەسٸ, ۇلتتىق بٸلٸم بەرۋ دەرەكتەر بازاسى جەنە تۇتىنۋشىلاردىڭ قازىنا جٷيەسٸ اراسىنداعى ينتەگراتسييانىڭ جوقتىعىن پايدالانىپ, تٶلەم قۇجاتتارىنا قولمەن تٷزەتۋلەر ەنگٸزٸپ, بيۋدجەت اقشاسىن جىمقىرعان. ۇرلىق ماقساتىنداعى قاراجات جىل سايىنعى بيۋدجەتتٸك ٶتٸنٸمدەردٸ جاساۋ كەزٸندە دە كەپٸلگە قويىلعان", – دەدٸ سپيكەر بريفينگ بارىسىندا.
دانييار بيعايداروۆ بۇل ۇرلىق سحەماسى ارقىلى ولار بەلگٸلەنگەن نورمادان اساتىن جالاقىنى بٶگدە تۇلعالار مەن قايتىس بولعان جاندارعا اۋدارعانىن حابارلادى. وسىعان بايلانىستى مەملەكەت قازىناسىنا 15 ايدا 14 ميلليارد تەڭگە زالال كەلتٸرگەن.
"اگەنتتٸك بٸلٸم بەرۋ سالاسىندا وسىنداي 206 قىلمىستىق ٸستٸ تٸركەدٸ. بۇل بويىنشا كەلتٸرٸلگەن زالال 14 ملرد تەڭگەدەن اسادى. جالپى, ۇرلىقتىڭ ەڭ كٶپ مٶلشەرٸ تٷركٸستان, جەتٸسۋ, قىزىلوردا, الماتى, اقتٶبە وبلىستارىندا جەنە الماتى قالاسىندا تٸركەلگەن. ۇرلىق فاكتٸلەرٸ ەلٸ دە انىقتالۋدا.
مەسەلەن, "جاقىندا عانا جەتٸسۋ ٶڭٸرٸ بويىنشا سىبايلاس جەمقورلىققا قارسى قىزمەت سارقان اۋداندىق بٸلٸم باسقارماسىنىڭ بيۋدجەتتٸك بٶلٸمٸ باسشىسىنىڭ زاڭسىز ەرەكەتٸن توقتاتتى. ول وسى بٶلٸمنٸڭ ەسەپشٸلەرٸنٸڭ شوتىنا ارتىق بەلگٸلەنگەن جالاقىنى زاڭسىز اۋدارۋ جولىمەن اسا ٸرٸ مٶلشەردە 1 ملرد تەڭگە سوماسىندا بيۋدجەت قاراجاتىن جىمقىردى دەگەن كٷدٸككە ٸلٸندٸ", - دەپ جالعاستىردى ول.
انتيكوردىڭ حابارلاۋىنشا, تەرگەۋ امالدارى بارىسىندا 156 ميلليون تەڭگە كٶلەمٸندەگٸ قاراجات انىقتالىپ, تەركٸلەنگەن. كٷدٸكتٸ سوت سانكتسيياسىمەن قاماۋعا الىندى. بۇل ٸس بويىنشا تەرگەۋ جالعاسۋدا.
"4 سەۋٸردە جاڭاقورعان سوتى اۋداندىق بٸلٸم بٶلٸمٸنٸڭ باسشىسى يبراگيموۆكە, مم باس ەسەپشٸسٸ ايازباەۆاعا جەنە 24 مەكتەپ ەسەپشٸسٸنە قاتىستى شىعارعان ٷكٸمٸ زاڭدى كٷشٸنە ەنٸپ, ولار ەرەكشە تەرتٸپتە بيۋدجەت قاراجاتىن ۇرلاعانى ٷشٸن كٸنەلٸ دەپ تانىلدى. ولار جالپى سوماسى 1 ملرد تەڭگەدەن اساتىن ٸرٸ كٶلەمدەگٸ قاراجات جىمقىرعان.
سوت ٷكٸمٸنە سەيكەس, باسشى مەن اتالعان مەكەمەنٸڭ ەسەپشٸلەرٸ 8 جىلعا, تاعى بٸر ەسەپشٸ 7 جىلعا باس بوستاندىعىنان ايىرۋ جازاسىنا كەسٸلدٸ. بۇل رەتتە سوتتالعاندار مەملەكەتتٸك قىزمەتتە جەنە باسقا دا ۇيىمداردا قىزمەت ەتۋ قۇقىعىنان ٶمٸر بويىنا ايىرىلدى", - دەپ تٷيٸندەدٸ دانييار بيعايداروۆ.
