راحات تۇرلىحانوۆ پەن ونىڭ ايەلى التىنايدىڭ ءوتىنىشى بويىنشا سوت وتىرىسى جابىق رەجيمدە وتەدى.
بۇعان دەيىن ءانشى راحات تۇرلىحانوۆقا قاتىستى ءىس سوتتا قارالىپ جاتقانى بەلگىلى بولدى. الماتىنىڭ اكىمشىلىك قۇقىقبۇزۋشىلىق جونىندەگى مامانداندىرىلعان اۋدانارالىق سوتىنىڭ سايتىندا اقپاراتتىڭ راس-وتىرىگىن تەكسەرىلگەن ەدى. 3 قاڭتاردا راحات تۇرلىحانوۆقا قاتىستى ءىس قاراۋعا قابىلدانعان.
ارتىنشا ءانشى كىناسىن مويىنداپ، اكىمشىلىك ەسكەرتۋ تۇرىندە اكىمشىلىك جازاعا تارتىلعان بولاتىن.
كەيىننەن راحات تۇرلىحانوۆ پەن جۇبايى التىناي كەيىنگى جاعدايعا قاتىستى پىكىر ءبىلدىردى.
"بارىڭىزگە سالەم. بۇل - راحات تۇرلىحانوۆ جانە جۇبايىم - التىناي. كەيىنگى جاڭالىقتارعا بايلانىستى پىكىر ءبىلدىرۋدى ۇيعاردىق. التىناي ءبارىن ءوزى ايتسا، دۇرىس شىعار"، - دەيدى ۆيدەودا ءانشى. "راحاتپەن ارامىزدا ءبارى جاقسى. راحات - قامقور، مەيىرىمدى كۇيەۋ، اكە. ءيا، بارلىق وتباسىندا بولاتىنى سەكىلدى ءبىزدىڭ دە ارامىزدا ۇرىس، تۇسىنىسپەۋشىلىكتەر بولدى. ءبىراق بارلىق جاعدايدى بىلمەسە دە ونى جامان جاعىنان كورسەتىپ جاتىر. ءبارىڭىز الاڭداپ جاتسىزدار، الاڭدايتىنداي ەشتەڭە جوق. ءبىزدى ءبارى جاقسى"، - دەيدى ءانشىنىڭ جۇبايى ۆيدەودا.
